Mazkur Qoidalar «O’zdavtemiryo’lnazorat» inspeksiyasi boshlig’ining buyrug’i (farmoyishi) bilangina o’zgartirilishi mumkin

Maxsus yo’llar (пути специального назначения). Peregon va stansiyalarda muhofazalash berk yo’llari va shahobcha yo’llar.
Alohida punkt (раздельный пункт). Temir yo’l liniyalarini peregon va blok-uchastkalarga bo’luvchi punkt.
Raz’ezdlar (разъезды). Bir yo’lli linnyalardagi alohida punkt bo’lib, poezdlarning uchrashuvi va o’zib o’tishi uchun mo’ljallangan rivojlangan yo’lga ega bo’ladi.
Refrijeratorli poezd (рефрижераторный поезд). Refrijeratorli vagonlardan tuzilgan poezd.
Manyovrlar rahbari (руководитель маневров). Manyovrda ishtirok etuvchi barcha shaxslarning harakatlariga bevosiga rahbarlik qiluvchi xodim, manyovrni o’tkazayotgan mashinist uning ko’rsatmasi bo’lmasa, lokomotivlarni harakatga keltira olmaydi.
Ishlar rahbari (руководитель работ). Mas’uliyatli shaxs, unga temir yo’llarda, inshoot va qurilmalarda ishlarga rahbarlik qilish topshirilgan bo’ladi.
Signal (signal). Shartli ko’rinadigan yoki ovozli signal bo’lib, uning yordamida ma’lum buyruq beriladi.
Signal belgisi (сигнальный знак). Shartli ko’rinadigan belgi bo’lib, uning yordamida xodimlarning ma’lum toifasiga buyruq beriladi. Signal belgilariga chegara ustunchalari, stansiya chegarasini ko’rsatuvchi belgi, hushtak chalinishi, tok uzilishi yoki ulanishini ko’rsatuvchi belgilar va b. kiradi.
Maxsus harakat tarkibi (специальный подвижной состав). Temir yo’lda yuradigan olinmaydigan harakatchan birliklar - qor tozalagichlar, qor kuragichlar, shag’al tozalaydigan mashinalar, ballastyor, yo’l yotqizgichlar, yuk ko’tarish kranlari, drezina va hokazolar.
Uzoqqa cho’zilgan pasayish (спуск затяжной). Tiklik va masofaning quyidagi qiymatlariga mos keladigan pasayish:
Tiklik Masofa
0,008 dan 0,010 gacha 8 km va ko’p
0,010 dan 0,014 gacha 6 km va ko’p
0,014 dan 0,017 gacha 5 km va ko’p
0,017 dan 0,020 gacha 4 km va ko’p
0,020 dan va undan tikroq 2 km va ko’p
Yo’naltiruvchi pasayish (спуск руководящий). Tikligi bo’yicha eng tik pasayish bo’lib (egrilarining qarshiligini hisobga olganda), uzunligi kamida tormoz yo’liga teng bo’ladi.
Stansiya (станция). Yo’llari poezdlarni qabul qilish, jo’natish, uchrashtirish va o’zib o’tish operasiyalarini, yuklarni qabul qilib olish, berish hamda yo’lovchilarga xizmat ko’rsatish operasiyalarini bajarishga imkon beradigan darajada rivojlantirilgan, yo’l qurilmalari rivojlantirilgan sharoitda esa - poezdni tarqatish va tuzish bo’yicha manevr ishlarini hamda poezdlar bilan texnikaviy operasiyalarni bajarishga qodir bo’lgan alohida punktdir.
I l o v a. Qoidalar matnida yo’l rivojlanishiga ega bo’lgan yoki navbatta xodimlar xizmat ko’rsatadigan (stansiya, raz’ezd, o’zib o’tish punkti, yo’l posti) alohida punktlar xaqida gapirilganda “Stansiya” yoki "Stansiya navbatchisi" kabi umumiy atamalar qo’llanilgan. Qaysi alohida punkt xaqida gap ketayotganini aniq ko’rsatish kerak bo’lgan vaziyatlar bundan mustasno.