Mazkur Qoidalar «O’zdavtemiryo’lnazorat» inspeksiyasi boshlig’ining buyrug’i (farmoyishi) bilangina o’zgartirilishi mumkin

UMUMIY QOIDALAR

O’zbekiston Respublikasi temir yo’llaridan texnikaviy foydalanish qoidalari temir yo’l va temir yo’l transporti xodimlarining asosiy nizomlari (qoidalari) hamda tartiblarini, muhim inshootlar, qurilmalar va harakat tarkiblarini saqlash me’yorlarini, asosiy o’lchamlarini, ularga bo’lgan talablarni, poezdlar harakatini tashkil qilish tizimini va signalizasiya prinsiplarini o’rnatadi.

Mazkur Qoidalar O’zbekiston Respublikasining 15.04.1999 yildan temir yo’l transporti to’g’risidagi Qonuniga, O’zbekiston Respublikasi Prezidentining 2001 yil 2 martdan «Temir yo’l transportini monopoliyadan chiqarish va aksiyalashtirish chora-tadbirlari to’g’risida» gi 2815-PQ sonli Qarori hamda O’zbekiston Respublikasining boshqa normativ hujjatlariga muvofiq ishlab chiqildi.
Texnikaviy foydalanish qoidalari temir yo’l transportining barcha bo’linmalari va xodimlari uchun majburiydir, ularning bajarilishi esa temir yo’l transporti barcha bo’g’inlari hamjihatligini, temir yo’llarning aniq va to’xtovsiz ishlashini va harakat xavfsizligini ta’minlaydi.
Mazkur Qoidalar «O’zdavtemiryo’lnazorat» inspeksiyasi boshlig’ining buyrug’i (farmoyishi) bilangina o’zgartirilishi mumkin.
Temir yo’llardan texnik foydalanish masalalari bo’yicha «O’zdavtemiryo’lnazorat» O’zbekiston Respublikasi temir yo’llaridan Texnikaviy Foydalanish Qoidalarini va umumdavlat ahamiyatiga ega bo’lgan boshqa normativ hujjatlarni – O’zbekiston Respublikasi temir yo’llarida signallash bo’yicha Yo’riqnomani (SBY) hamda O’zbekiston Respublikasi temir yo’llarida poezdlar harakati va manevr ishlari bo’yicha yo’riqnomani (PHY), «O’zbekiston temir yo’llari» Davlat aksiyadorlik temir yo’l kompaniyasi (keyingi o’rinlarda - DATK), vazirlik va idoralar esa – joylardagi korxona va tashkilotlar ishini belgilovchi yo’riqnoma va ko’rsatmalarni ishlab chiqadilar va tasdiqla ydilar.
Temir yo’llar, inshoot, qurilma va harakat tarkiblarini qurish, texnikaviy foydalanish va loyihalashtirish bilan bog’liq bo’lgan barcha yo’riqnoma va ko’rsatmalar mazkur Qoidalarning talablariga mos kelishi kerak.
1-bob