Mazkur holatda ma’muriy huquqiy munosabatlarni yoriting

Birinchi muammo bu bevosita fuqarolik masalasi bilan bog‘liq bo‘lib, uning javobini “O‘zbekiston Respublikasining fuqaroligi to‘g‘risida”gi Qonundan topishimiz mumkin. Ushbu qonunning V bo‘limi “O‘zbekiston Respublikasi fuqaroligi to‘g‘risidagi ishlarni yurituvchi O‘zbekiston Respublikasining davlat idoralari va ularning vakolatlari” deb nomlanadi. Ushbu bo‘limda joylashgan 29-moddada keltirilishicha, O‘zbekiston Respublikasida fuqarolikka doir masalalarni yurituvchi davlat organlari sifatida:

1. 
   O‘zbekiston Respublikasining Prezidenti;
   
2. 
   O‘zbekiston Respublikasining Ichki ishlar vazirligi;
   
3. 
   O‘zbekiston Respublikasining Tashqi ishlar vazirligi, O‘zbekiston Respublikasining diplomatik vakolatxonalari va konsullik muassasalari belgilab qo‘yilgan;
   
4. 
   Xulosa
   

Shu qonunning 31-moddasida O‘zbekiston Respublikasi Ichki ishlar vazirligining vakolatlari bayon etilgan bo`lib, ularning orasida “O‘zbekiston Respublikasida doimiy yashovchi shaxslardan O‘zbekiston Respublikasi fuqaroligi masalalariga oid arizalarni qabul qiladi” deb belgilangan. Bundan tashqari, ushbu masala ham fuqarolikka oid masala hisoblanadi. Demak fuqaro B.ning passport bilan bog`liq masala yuzasidan Ichki ishlar organiga murojaati huquqiy asoga ega hisoblanadi.

Ikkinchi muammoga ko‘ra, qonunda pasportni almashtirish muddati qancha etib belgilangan? Ushbu savolga javobni biz “O‘zbekiston Respublikasida pasport tizimini takomillashtirishga doir chora-tadbirlar to`g`risida”gi O‘zbekiston Respublikasi Prezidentining farmoni asosida qabul qilinga Nizomda ushbu holatga bayon berilgan. Pasport olish, uni tiklash yoki yoki almashtirish jarayonida pasport olish uchun talabnoma, ya’ni pasport oluvchining biografik ma’lumotlari va biografik parametrlarini o‘z ichiga olgan elektron hujjatni O‘zbekiston Respublikasi Vazirlar Mahkamasi huzuridagi Davlat personallashtirish markaziga topshirganidan so‘ng o‘n ish kunida pasport berilishi kerakligi yozib qo‘yilgan. Fuqaro B. arizasini topshirganidan keyin Ichki ishlar organi uning joriy pasportidagi ma’lumotlarni DPM ga iloji boricha tezroq jo‘natishi lozim edi. Natijada, ushbu fuqaroning yangi biometrik pasporti qonunan o‘n ish kuni davomida unga yetkazilishi kerak edi.