Maxsus ta’lim vazirligi toshkent moliya instituti loyihalarni moliyalashtirish fakulteti

Malakaviy ishning maqsadi. Ishning maqsadi turli mamlakatlarda tashkil etilgan erkin iqtisodiy hududlar faoliyatining o'ziga xos xususiyatlarini o'rganish
hamda O'zbekistonda erkin iqtisodiy zonalar faoliyatini rivojlantirishga qaratilgan amaliy taklif-tavsiyalar ishlab chiqishdan iborat.
Malakaviy ishning vazifalari. Ushbu maqsaddan kelib chiqqan holda malakaviy ish oldiga quyidagi vazifalarning bajarilishi belgilab qo'yilgan:

• 
  erkin iqtisodiy zonalarning mazmuni, kelib chiqishi va tashkil etishdagi yondashuvlar bilan kengroq tanishish;
  
• 
  erkin iqtisodiy zonalar tashkil etishning maqsadi, vazifalari va asosiy turlarining bir-biridan farqli jihatlarini o'rganish;
  
• 
  O'zbekistonda erkin iqtisodiy zonalarning tashkil etilishi va ularning huquqiy asoslarini o'rganish;
  
• 
  jahon iqtisodiyotida tashkil etilgan erkin iqtisodiy zonalar faoliyatining o'ziga xos xususiyatlarini tahlil qilish;
  
• 
  O'zbekistonda erkin iqtisodiy zonalar faoliyatining amaldagi holatini tahlil qilish;
  
• 
  mamlakatimizda erkin iqtisodiy zonalar tashkil etishning jahon tajribasini qo'llash imkoniyatlarini aniqlashdan iborat.
  

Malakaviy ishning ob'ekti respublikamiz va jahonning turli davlatlarida tashkil etilgan erkin iqtisodiy zonalar hisoblanadi.
Malakaviy ishning predmeti erkin iqtisodiy zonalarni tashkil etish bilan bog'liq iqtisodiy munosabatlardir.
Mavzuning nazariy va amaliy ahamiyati. Mavzu bo'yicha malakaviy ishning nazariy ahamiyati ishda ilgari surilgan nazariy-uslubiy g'oyalardan erkin iqtisodiy zonalarning mazmuni, tashkil etilishi va nazariy asoslarini o'rganishda foydalanish mumkinligi uning nazariy ahamiyatini ko'rsatadi.
Ishda keltirilgan ilmiy taklif va amaliy tavsiyalar O'zbekiston Respublikasida erkin iqtisodiy zonalarni tashkil etishda va mavjud zonalar faoliyatini yanada takomillashtirishda foydalanish mumkinligi ishning amaliy ahamiyatini belgilaydi.