Maxsus ta’lim vazirligi samarqand davlat universiteti filologiya fakulteti oʻzbek tilshunosligi kafedrasi

Bilimingizni sinab ko’ring!
Ravishda derivatsiya, transpozitsiya, konversiya va relyatsiya.
4.Ravishning lugaviy-ma`noviy guruhlarini sanang.
5.Ravishning lug`aviy shakllari xususiyatlari.
6.Ravishning sintaktik imkoniyatlarini bayon qiling.
7.Ravish va sifat munosabati haqida gapiring.



Amaliy va seminar mashg`ulotlarida foydalanish uchun
Morfologik tahlil NAMUNASI:


Tiriklik – tabiatning insonga inoyati.


Tiriklik – nima? so`rog`iga javob bo`ladi, ot turkumidagi so`z, sanalmaydigan ot, predmetning umumiy nomini bildirishiga ko`ra: turdosh ot, turdosh ot ifodalagan tushunchaning xarakteriga ko`ra: mavhum ot, affiksatsiya usuli bilan yasalgan yasama ot, yasalish qolipi quyidagicha: [ot+-lik =asosdan anglashilgan narsa/predmetni umumlashtirib, holat tarzida ifodalovchi mansublik oti], tuzilishiga ko`ra: sodda ot, birlik shaklda qo`llaniladigan ot, kelishik kategoriyasiga ko`ra: bosh kelishikdagi ot, gapdagi vazifasiga ko`ra: ega vazifasida kelgan.
Tabiatning – nimaning? so`rog`iga javob bo`ladi, ot turkumidagi so`z, sanalmaydigan ot, predmetning umumiy nomini bildirishiga ko`ra: turdosh ot, turdosh ot ifodalagan tushunchaning xarakteriga ko`ra: mavhum ot, tub ot, tuzilishiga ko`ra:sodda ot, birlik shaklda qo`llaniladigan ot, kelishik kategoriyasiga ko`ra: qaratqich kelishikdagi ot, gapdagi vazifasiga ko`ra: qaratqich aniqlovchi vazifasida kelgan.
Insonga – kimga? so`rog`iga javob bo`ladi, ot turkumidagi so`z, sanaladigan ot, predmetning umumiy nomini bildirishiga ko`ra: turdosh ot, turdosh ot ifodalagan tushunchaning xarakteriga ko`ra: muayyan ot, muayyan otning LMTsiga ko`ra shaxs nomini anglatuvchi ot, tub ot, tuzilishiga ko`ra: sodda ot, kelishik kategoriyasiga ko`ra: jo`nalish kelishikdagi ot, gapdagi vazifasiga ko`ra: to`ldiruvchi vazifasida kelgan.
Inoyati – nimasi? so`rog`iga javob bo`ladi, ot turkumidagi so`z, sanalmaydigan ot, predmetning umumiy nomini bildirishiga ko`ra: turdosh ot, turdosh ot ifodalagan tushunchaning xarakteriga ko`ra: mavhum ot, tub ot, tuzilishiga ko`ra: sodda ot, birlik shaklda qo`llaniladigan ot, kelishik kategoriyasiga ko`ra: bosh kelishikdagi ot, III shaxs egalik qo`shimchasini olgan, gapdagi vazifasiga ko`ra: ot-kesim vazifasida kelgan.