Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

beparvolik bilan saqlash
deganda, begona 
shaxslarga hech qanday to‘siqsiz qayd etilgan ashyolarni qo‘lga kiritish 
imkonini beradigan saqlash sharoitlarining yaratilishini tushunish zarur. 
Masalan, o‘qlangan qurolni boshqa shaxslar uchun ochiq bo‘lgan 
umumiy foydalanish joylarida, saqlash uchun mo‘ljallanmagan joylarda 
saqlash va h.k. 
O‘qotar qurol va o‘q-dorilarni beparvolik bilan saqlash ko‘pincha ana 
shu ashyolar butligini ta’minlash uchun zarur chora-tadbirlarni ko‘rmagan 
aybdorlarning jinoyatkorona loqaydligida ifodalanadi. Ammo ba’zan 
bunday qilmish faol harakat qilish yo‘li bilan ham sodir etilishi mumkin. 
Aybdorlar ana shu ashyolarni saqlash uchun zarur sharoitlarni ta’minlash 
maqsadida ma’lum chora-tadbirlarni ko‘rgan, ammo bu chora-tadbirlar 
yetarli bo‘lmaganligi sababli qurol yoki o‘q-dorilarni begona shaxslar 
egallab olgan va bu odam o‘lishiga yoki boshqa og’ir oqibatlarga olib 
kelgan hollar shular jumlasidandir. 
Tahlil qilinayotgan jinoyat moddiy tarkibli jinoyatlar sirasiga kiradi. 
Jinoyat qonunida ko‘zda tutilgan ijtimoiy xavfli oqibatlar: odam 
o‘lishi yoki boshqa og’ir oqibatlar kelib chiqqan paytdan e’tiboran 
tugallangan 
hisoblanadi.
O‘zbekiston Respublikasi Oliy sudi Plenumi qarorida «boshqa og’ir 
oqibatlar» alomati har bir muayyan holatda ishning tafsilotlari majmuidan 
(imoratning portlashi, katta miqdordagi zararli moddalarning atmosferaga 
tarqalishi va shu kabilar) kelib chiqqan holda tergov va sud tomonidan hal 
qilinadi»,
1
deb qayd etilgan.
Bir necha kishiga o‘rtacha og’ir va og’ir shikast yetkazilishi, o‘z 
joniga qasd qilish va h.k.lar ham 
boshqa og’ir oqibatlar
sirasiga kiritilishi 
lozim. 
O‘qotar qurol yoki o‘q-dorilarni beparvolik bilan saqlash 
subyektiv 
tomondan
ehtiyotsizlik bilan tavsiflanadi, u esa