Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Rastrata qilish 
deganda, mol-mulkning uni saqlashga topshirilgan 
shaxs tomonidan begonalashtirilishi tushuniladi. 
Ro‘yxatga olingan yoki xatlangan mol-mulkni 
yashirish 
deganda, mol-
mulkning saqlash uchun boshqa shaxslarga yoxud boshqa joyga 
joylashtirilishi, bu haqdagi xabarni vakolatli organlar (tergovchi yoki 
sudya)dan yashirilishi tushuniladi.
Nobud qilish 
deganda, mulkning to‘liq yaroqsiz, undan asl maqsadda 
foydalanish imkonini bermaydigan, shuningdek, uni ta’mirlash yordamida 
ham oldingi holatiga keltirishning iloji bo‘lmagan holga keltirilishini 
tushunish lozim.
Mol-mulkka shikast yetkazish
deganda, mol-mulkni qisman yaroqsiz 
holga keltirish tushuniladi. 
Ancha miqdorda zarar
yetkazilishi sharhlanayotgan ijtimoiy xavfli 
qilmish obyektiv tomonining zaruriy belgisi hisoblanadi. 
Xatlangan yoki garovga qo‘yilgan mol-mulkka ko‘p miqdorda zarar 
yetkazishga sabab bo‘lgan o‘zlashtirish, rastrata qilish, yashirish, nobud 
qilish yoki unga shikast yetkazish harakati sodir etilgan paytdan boshlab 
jinoyat 
tugallangan 
hisoblanadi.
485 

---

Subyektiv tomondan 
jinoyat 
to‘g‘ri qasd 
bilan sodir etiladi. Aybdor 
mol-mulkni o‘zlashtirish, sarf qilish, yashirish, nobud qilish yoki unga 
shikast yetkazish bilan bog‘liq harakatlarning noqonuniyligini anglaydi va 
ularni amalga oshirishni xohlaydi. Mol-mulk ehtiyotsizlik oqibatida nobud 
qilingan holatda aybdorni JK 172-moddasi bo‘yicha javobgarlikka tortish 
masalasini qo‘yish mumkin. 
Bu jinoyatning 
motivi 
g‘arazgo‘ylik, shaxsiy yoki boshqa manfaatdorlik 
va boshqa bo‘lishi mumkin, ammo bu qilmishni kvalifikatsiya qilishga 
ta’sir etmaydi.
Jinoyat 
subyekti 
mol-mulk saqlashga topshirilgan 16 yoshga to‘lgan 
aqli raso jismoniy shaxs, shuningdek, uning mulkdori, egasi yoki oila 
a’zolari va boshqalar bo‘lishi mumkin.