Maxsus qism iqtisodiyot sohasidagi jinoyatlar. Ekologiya sohasidagi jinoyatlar

bevosita obyekti 
sud idoralarining normal faoliyati 
hisoblanadi. Bu jinoyatning qo‘shimcha obyekti aybdordan xatlangan mol-
mulk hisobidan qoplanishi mumkin bo‘lgan u yoki bu summa foydasiga 
undirilgan davlat (agar so‘z davlat daromadi yoki mulkiga aylantirish 
to‘g‘risida borsa) yoki boshqa mulkdorlar huquqlari bo‘ladi. Qonunga 
xilof ravishda o‘zlashtirish, sarf qilish, yashirish, nobud qilish yoki unga 
shikast yetkazishda obyekt sifatida sud va tergov organlarining nufuzi ham 
e’tirof etilishi lozim. 
Mazkur jinoyatning 
predmeti 
band solingan va garovga qoldirilgan 
mol-mulkdir. 
Xatlangan mol-mulk — tasarruf qilinishi joriy protsessual qonunchilik 
asosida taqiqlab qo‘yilgan mulk. 
NOTA BENE ! 
Xatlash 
mulkdorga yoki mol-mulkning egasiga mol-mulkni tasarruf 
qilish, zarur hollarda esa undan foydalanish man etilganligini e’lon 
qilishdan yoxud mol-mulkni tortib olishdan va uni saqlab turish uchun 
boshqa shaxslarga topshirishdan iborat. 
Garovga qo‘yilgan mol-mulk 
— bu surishtiruv va tergov organlariga 
ayblanuvchi yoki sudlanuvchi tomonidan o‘ziga qo‘yilgan majburiyatlarni 
bajarishning moddiy kafolati sifatida beriladigan mol-mulk. Fuqarolik-
huquqiy majburiyatlarni bajarish usuli sifatidagi garov garovga qo‘yilgan 
mol-mulkka kiritilmaydi.
484 

---

NOTA BENE ! 
JPKning 249-moddasiga ko‘ra 
garov 
ayblanuvchi, sudlanuvchi, ularning 
qarindoshlari, boshqa fuqarolar yoki yuridik shaxslar tomonidan dastlabki 
tergov organi yoki sudning depozit hisobvarag‘iga topshiriladigan pul 
mablag‘i yoki qimmatbaho buyumlardan iboratdir. Garov tariqasida 
ko‘chmas mulk ham qabul qilinishi mumkin. 
Obyektiv tomondan 
jinoyat ro‘yxatga olingan yoki xatlangan yoxud 
garov predmeti bo‘lgan mol-mulkni o‘zlashtirish, sarf qilish, yashirish, 
nobud qilish yoki unga shikast yetkazish, xuddi shuningdek, bank yoki 
boshqa kredit tashkiloti xodimi tomonidan band solingan pul mablag‘lari 
(omonatlari) bilan bank operatsiyalarini amalga oshirishda ifodalanadi. 
O‘zlashtirish
deganda, mol-mulk saqlashga topshirilgan shaxs 
tomonidan xatlangan yoxud garovga qo‘yilgan mol-mulkning aybdor yoki 
uchinchi shaxs foydasiga o‘zlashtirilishini tushunish lozim.