Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Subyektiv tomondan 
jinoyat 
to‘g‘ri qasd
, ya’ni aybdor adolatsiz 
hukm, hal qiluv qarori, ajrim yoki qarorni qabul qilayotganida, ana shu 
qarorning adolatsiz ekanligini oldindan anglaganligi va buni xohlaganligi 
bilan tavsiflanadi.
JK 231-moddasi bo‘yicha javobgarlik faqat 
adolatsizligi oldindan ayon 
bo‘lgan 
sud hujjatlarini chiqarganlik uchun belgilanadi. Adolatsiz hukm, 
hal qiluv qarori, ajrim yoki qarorning ehtiyotsizlik oqibatida qabul qilinishi 
ushbu modda bo‘yicha javobgarlikni istisno etadi, lekin tegishli holatlar 
mavjudligida qilmish JK 207-moddasi bo‘yicha mansabga sovuqqonlik 
bilan qarash deb kvalifikatsiya qilinishi mumkin. Ko‘rib chiqilayotgan 
jinoyatni «oldindan ayon bo‘lishi» belgisi bo‘yicha intizomiy qoida 
buzishdan farqlamoq lozim. 
Jinoyatni sodir etish 
motivlari 
(G‘arazli, shaxsiy adovat yoki do‘stona 
munosabatlar, noto‘g‘ri tushunilgan xizmat manfaatlari, shuhratparastlik 
va hokazolar) jinoyatni kvalifikatsiya qilishga ta’sir etmaydi, lekin 
javobgarlikni individuallashtirishda hisobga olinishi shart. 
Adolatsiz hukm chiqarganlik uchun pora olish ushbu jinoyat tarkibiga 
kirmaydi va pora olganlik uchun jinoyatlar majmui bo‘yicha kvalifikatsiya 
qilinishi kerak (JK 210-moddasi va JK 231-moddasi). 
Jinoyatning 
subyekti 
muayyan ish yuzasidan sudyaning odil sudlovni 
amalga oshirish huquq va majburiyatlariga ega bo‘lgan shaxslardir. 
Sudyalar, shuningdek, jinoyat protsessidagi xalq maslahatchilari bu 
shaxslar sifatida gavdalanadi. 
Jinoyatning maxsus subyekti yosh chegaralariga ega. Jinoyat subyektlari 
18 yoshga to‘lgan (harbiy sudlar xalq maslahatchilari uchun) va 25 yoshga 
to‘lgan (umumiy yurisdiktsiya sudlari xalq maslahatchilari, shuningdek, 
barcha sudlarning sudyalari uchun) shaxslar bo‘lishi mumkin. 
Adolatsiz hukm aktining chiqarilishi odam o‘limiga yoki boshqa og‘ir 
oqibatlarga olib kelgan hollar bilan bog‘liq harakatlar