Maxsus qism iqtisodiyot sohasidagi jinoyatlar. Ekologiya sohasidagi jinoyatlar

ma’muriy nazorat o‘rnatilishi uchuy asos 
hisoblanadi. Sudya ozodlikdan mahrum qilish joylarida jazoni o‘tayotgan 
shaxslarga nisbatan jazoni ijro etish hududidagi yoki shaxs yashayotgan 
ichki ishlar organi boshlig‘ining jazoga hukm qilingan shaxsning tuzalish 
va halol mehnat qilib kun kechirish yo‘liga o‘tishni aslo istamaganligidan 
dalolat beruvchi taqdimnoma olingan paytdan boshlab o‘n kundan 
kechiktirmay qaror chiqaradi. 
436 

---

Sudya ma’muriy nazorat o‘rnatish to‘g‘risidagi qarorda nazorat 
belgilanishiga nimalar sabab bo‘lganligi, nazorat muddatini, nazorat 
ostidagi shaxsga nisbatan qo‘llaniladigan cheklashlarni, agar ma’muriy 
nazorat jazoni ijro etish muassasalaridan bo‘shatishda belgilangan bo‘lsa, 
uning tanlangan yashash joyiga etib kelish muddati ko‘rsatiladi. 
Ma’muriy nazorat olti oydan bir yilgacha muddatga belgilanadi. 
Nazoratni amalga oshirish muddati og‘ir jinoyatlar uchun ozodlikdan 
mahrum qilishga hukm etilgan yoki har qanday qasddan qilingan jinoyatlar 
uchun ikki yoki undan ortiq marta hukm etilgan shaxslarga nisbatan, agar 
ularning jazoni o‘tash davridagi xulq-atvori tuzalish va halol mehnat qilib 
kun kechirish yo‘liga o‘tishni aslo istamaganliklaridan dalolat bersa yoki 
o‘ta og‘ir jinoyatlar uchun ozodlikdan mahrum qilishga hukm etilgan 
shaxslarga nisbatan yashash joyiga etib kelgan paytdan boshlab, 
shuningdek, og‘ir jinoyatlar uchun ozodlikdan mahrum qilishga hukm 
etilgan yoki har qanday qasddan qilingan jinoyatlar uchun ikki yoki undan 
ortiq marta hukm etilgan, jazo muddatini o‘tab bo‘lganlaridan so‘ng ichki 
ishlar idorala- rining jamiyat uchun zararli kun kechirishni to‘xtatish 
to‘g‘risidagi ogohlantirishiga qaramay, jamoat tartibini muntazam 
buzayotgan va fuqarolarning qonuniy manfaatlariga putur yetkazayotgan 
shaxslarga nisbatan sudya ma’muriy nazorat o‘rnatish to‘g‘risida qaror 
chiqargan paytdan boshlab hisoblanadi. 
Ma’muriy nazorat muddati ichki ishlar idoralarining taqdimnomasiga 
binoan har safar yana olti oyga uzaytirilishi mumkin, lekin uzaytirilgan 
nazorat muddati mazkur jinoyat uchun belgilangan sudlanganlik 
muhlatining tugashi yoki sudlanganlikning olib tashlanishi uchun qonunda 
nazarda tutilgan muddatlardan oshmasligi lozim. 
Ma’muriy nazorat quyidagi hollarda, ya’ni: 
1)
ma’muriy nazorat olib borish uchun belgilangan muddat tugaganidan 
keyin, agar uni uzaytirishga asos bo‘lmasa; 
2)
muddatidan ilgari, basharti nazorat ostida bo‘lgan shaxs tuzalish 
yo‘liga qat’iyan o‘tganligi, ishda va turmushda o‘zini yaxshi tomondan 
ko‘rsatganligi aniqlangan bo‘lsa; 
3)
sudlanganlik muhlati tugagan yoki sudlanganligi olib tashlangan 
437 

---

hollarda 
to‘xtatiladi
. 
«Jazoni ijro etish muassasalaridan bo‘shatilgan shaxslar ustidan ichki 
ishlar idoralarining ma’muriy nazorati to‘g‘risida»gi Qonunning biron-bir 
bandi buzilgan paytdan e’tiboran jinoyat 
tugallangan 
hisoblanadi. 
Basharti ma’muriy nazorat qoidalari xuddi shunday qilmishi uchun 
ma’muriy javobgarlikka tortilgan shaxs tomonidan sodir etilgan bo‘lsa, u 
JK 226-moddasi 1-qismi bo‘yicha javobgarlikka tortiladi.