Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Qat’iy hisobdagi blanka 
— qisman yozilgan matndan iborat bo‘lgan va 
qolgan bo‘sh qismida to‘ldirilishi va majburiy ro‘yxatdan o‘tkazilishi 
lozim bo‘lgan, foydalanish maxsus (yoki maxfiy) rejimiga (diplom, 
mehnat daftarchasi blankalari) hamda foydalanish rejimidan chiqarishning 
alohida shartlariga (ularni yo‘qotib qo‘yish, talon-toroj qilish, ularga 
shikast yetkazish va hokazo hollarda) ega bo‘lgan qog‘oz varag‘i. 
Avtomototransport 
vositalari 
va 
ularning tirkamalari (yarim 
tirkamalari)ning davlat rakami belgilari 
ko‘rib chiqilayotgan jinoyatning 
alohida predmeti hisoblanadi.
Transport vositalarini qayd etish va davlat raqami belgilarini berish 
tartibi O‘zbekiston Respublikasi Vazirlar Mahkamasining 1997 yil 26 
maydagi 256-son qarori
1
bilan tasdiqlangan «O‘zbekiston Respublikasida 
avtomototransport vositalarini ro‘yxatdan o‘tkazish, qayta ro‘yxatdan 
o‘tkazish va ularning hisobini olib borish, milliy davlat raqami belgilarini 
berish va ularni almashtirish qoidalari»da belgilangan. 
Transport vositalarini qayd etish Qoraqalpog‘iston Respublikasi Ichki 
ishlar vazirligi, Toshkent shahar ichki ishlar bosh boshqarmasi va 
viloyatlar ichki ishlar boshqarmalari Davlat yo‘l harakati xavfsizligi 
xizmati boshqarmalarining ro‘yxatdan o‘tkazish va imtihon olish bo‘lim 
1
Ўзбекистон Республикаси Вазирлар Маҳкамасининг 1997 йил 26 майдаги «Автомототранспорт 
воситаларини рўйхатдан ўтказиш, қайта рўйхатдан ўтказиш ва уларнинг ҳисобини олиб бориш, миллий давлат 
рақами белгиларини бериш ва уларни алмаштириш ишларини тартибга солиш ҳақида»ги 256-сон қарори.
440 

---

(bo‘linma)lari, tumanlararo ro‘yxatdan o‘tkazish va imtihon olish bo‘lim 
(bo‘linma)lari tomonidan amalga oshiriladi. 
Dvigatelining ish hajmi 50 kub sm va undan ortiq hamda 
konstruktsiyasida ko‘rsatilgan tezligi soatiga 50 km va undan ortiq 
transport vositalari, ular uchun ishlab chiqarilgan tirkamalar va yarim 
tirkamalar DYHXX organlari tomonidan ro‘yxatga olinadi. 
Ro‘yxatdan o‘tkazilgan avtomobillarga bir juft davlat raqami belgisi, 
mototransport vositalari, tirkama va yarim tirkamalarga esa bir dona davlat 
raqami belgisi beriladi. 
O‘zbekiston Respublikasi Vazirlar Mahkamasining 2000 yil 11 
dekabrdagi 472-son qarori
1
bilan tasdiqlangan «Yo‘l harakati 
qoidalari»ning 28.2-bandiga muvofiq mexanik transport vositalari 
(tramvay, trolleybuslardan tashqari) va tirkamalarning ko‘zda tutilgan 
joylarida tegishli namunadagi raqam belgilari o‘rnatilgan bo‘lishi shart. 
Hukumatning 2007 yil 27 iyundagi 131-son qarori
2
bilan 
avtomototransport vositalariga beriladigan ro‘yxatdan o‘tkazish davlat 
raqami belgilarining hududiy kodlari taqsimoti, avtomototransport 
vositalari va ularning tirkamalariga beriladigan ro‘yxatdan o‘tkazish davlat 
raqami belgilarining tiplari hamda ro‘yxatdan o‘tkazish davlat raqami 
belgilarida qo‘llanadigan raqamlar va lotin alifbosi harflarining namunalari 
tasdiqlangan. 
Mazkur qarorga binoan avtomototransport vositalariga va ularning 
tirkamalariga beriladigan ro‘yxatdan o‘tkazish davlat raqami belgilarining 
quyidagi tiplari mavjud: I tip; II tip, III tip, IV tip, V tip, VI tip, VII tip, 
VIII tip, IX tip, X tip, XI tip, XII tip, XIII tip, XIIIA tip, IA tip, IIA tip, 
IIIA tip, IVA tip, VA tip, VIA tip, VIIA tip, VIIIA tip, IXA tip, XA tip. 
Alohida ta’kidlab o‘tish lozim, yuqorida ko‘rsatilgan O‘zbekiston 
Respublikasida avtomototransport vositalarini ro‘yxatdan o‘tkazish, qayta 
ro‘yxatdan o‘tkazish va ularning hisobini olib borish, milliy davlat raqami 
belgilarini berish va ularni almashtirish qoidalariga asosan