Maxsus qism iqtisodiyot sohasidagi jinoyatlar. Ekologiya sohasidagi jinoyatlar

NOTA BENE ! 
Shtamp 
— hujjatlarni tayyorlashda nusxa qoldirish uchun xizmat 
qiluvchi ayrim matndan iborat bo‘lgan va qoida tariqasida, korxona, 
muassasa, tashkilotning to‘liq nomi, ular joylashgan manzili, hujjat 
yuborilgan sanasi, uning raqami, telefon, faks, manzil va hokazolar 
haqidagi ma’lumotlarni aks ettirgan bosma qolip (bo‘rtma bosma tasvir). 
Ko‘pincha shtampning mazmuni milliy gerbning tasviri bilan to‘ldiriladi. 
NOTA BENE ! 
Muhr 
— korxona, muassasa, tashkilot yoki jismoniy shaxsning to‘liq 
nomini aks ettirgan va zarur hollarda rasm bilan to‘ldiriladigan matnning 
bo‘rtma, teskari (relefli yoki o‘yma) tasvirdan iborat bo‘lgan va qog‘ozda, 
saqichda, plastilinda yoki boshqa materiallarda nusxa qoldirish uchun 
xizmat qiluvchi, qoida tariqasida, doira shakliga ega bo‘lgan asbob (bosma 
qolip). 
Shtampning bosmasidan farqli o‘laroq, muhrning bosmasiga tuzatish va 
qo‘shimchalar kiritish mumkin emas. Muhrlarning alohida turini 
markazida O‘zbekiston Respublikasi Davlat gerbi tushirilgan to‘g‘ri doira 
shakliga ega bo‘lgan gerbli muhrlar tashkil etadi. 
439 

---

NOTA BENE ! 
Blanka 
— bu burchak yoki markazida shtamp bosmasi tushirilgan yoki 
istalgan usulda shtamp matni bosilgan yoki boshqa matnli (matnli rasm) 
bo‘lgan hamda hujjatni tayyorlash uchun foydalaniladigan qog‘oz varag‘i 
(litsenziya, pasport, guvohnoma, so‘rovnoma, ariza va boshqalar blankasi) 
yoki ayrim shakldagi juzlangan kitobchalar (pasport, harbiy bilet va 
boshqalar blankasi). 
Bular orasida qat’iy hisobdagi blankalar ajralib turadi, ular belgilangan 
usullardan biri orqali ro‘yxatdan o‘tkazilgan, alohida tartib raqami 
(seriyasi) va maxsus foydalanish rejimiga ega. Tahlil qilinayotgan jinoyat 
predmetiga faqat qat’iy hisobdagi blankalar kiradi.