Maxsus qism iqtisodiyot sohasidagi jinoyatlar. Ekologiya sohasidagi jinoyatlar

26-§. Davlat proba tamg‘alarini tayyorlash va ulardan foydalanish 
qoidalarini buzish (JK 228
1
-moddasi) 
Jinoyatning 
bevosita obyekti
— proba nazorati inspektsiyalari 
tomonidan tamg‘alanishi shart bo‘lgan va qimmatbaho metallardan 
yasalgan buyumlar bilan muomala qilishni tartibga soluvchi ijtimoiy 
munosabatlar hisoblanadi. 
Jinoyat 
predmeti 
— 
davlat proba tamg‘asi
, ya’ni zargarlik 
buyumlarida va boshqa predmetlarda zargarlik buyumlari ishlab 
chiqariladigan oltin, kumush va platinaning miqdorini aniqlovchi tamg‘a 
yoki belgi. Davlat proba tamg‘asi tasdiqlash belgisi va proba belgisidan 
tashkil topib, ular birga yoki alohida tushunilishi mumkin. Ushbu belgi 
zargarlik buyumi yoki boshqa predmetlar proba nazorati inspektsiyasida 
tekshirilgan va tamg‘ada ko‘rsatilgan probadan kam bo‘lmagan probaga 
egaligini bildiradi. 
Davlat proba tamg‘asining shakli O‘zbekiston Respublikasi Vazirlar 
Mahkamasi tomonidan tasdiqlanadi. 
Obyektiv tomondan 
jinoyat g‘arazgo‘ylik yoki boshqa shaxsiy 
manfaatlarni ko‘zlab davlat proba tamg‘asini qonunga xilof ravishda 
tayyorlash, o‘tkazish yoki undan foydalanish, shuningdek, uni 
qalbakilashtirishda ifodalanadi. 
Tahlil qilinayotgan modda dispozitsiyasi blanket xarakterga ega. 
O‘zbekiston Respublikasi 2001 yil 7 dekabrdagi «Qimmatbaho 
metallardan yasalgan buyumlarning asillik darajasi va tamg‘alanishi 
to‘g‘risida»gi Qonunining maqsadi realizatsiya qilishga mo‘ljallangan 
qimmatbaho metallardan yasalgan buyumlarning asillik darajasini 
(probasini) aniqlash va tamg‘alash sohasidagi munosabatlarni tartibga 
solishdir. 
447 

---

NOTA BENE ! 
Tamg‘alash 
— tarkibida qimmatbaho metallar miqdori bo‘lgan, 
belgilangan usulda oldindan tekshirilgan zargarlik va boshqa maishiy 
buyumlarga davlat proba tamg‘asining nusxasini tushirish bilan bog‘liq 
texnologiya jarayonidir.