Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 227-moddasi 2-qismi «a» bandi 
bo‘yicha 
kvalifikatsiya qilinishiga olib kelmaydi. 
Jinoyatning 
subyekti 
16 yoshga to‘lgan har qanday aqli raso shaxs 
bo‘lishi mumkin. 
25-§. Hujjatlar, shtamplar, muhrlar, blankalar tayyorlash, ularni 
qalbakilashtirish, sotish yoki ulardan foydalanish (JK 228-moddasi) 
Jinoyatning 
bevosita obyekti 
hujjatlar, shtamp, muhr, blankalarni, ya’ni 
biron-bir faktni tasdiqlovchi, biron huquq yoki majburiyatlarni o‘rnatuvchi 
yoki ulardan ozod etuvchi moddiy jismlarning aylanishi bilan bog‘liq 
bo‘lgan ijtimoiy munosabatlar hisoblanadi. 
Tahlil qilinayotgan jinoyatning 
predmeti 
hujjat, shtamp, muhr va 
blankalar hisoblanadi. 
JK 228-moddasi 1-qismida javobgarlik belgilangan qilmishning 
obyektiv tomoni 
muayyan huquq beradigan yoki muayyan majburiyatdan 
ozod etadigan rasmiy hujjatni (korxona, muassasa, tashkilot shtampi, 
muhri, blankasini) tayyorlash, rasmiy hujjatni (korxona, muassasa, 
tashkilot shtampi, muhri, blankasini) qalbakilashtirish, tayyorlangan, 
qalbakilashtirilgan rasmiy hujjatni (korxona, muassasa, tashkilot shtampi, 
444 

---

muhri, blankasini) sotishda ifodalanadi. 
Rasmiy hujjatni 
(korxona, muassasa, tashkilot shtampi, muhri, 
blankasini) 
tayyorlash 
— bu asl hujjatning (korxona, muassasa, tashkilot 
shtampi, muhri, blankasi) nusxalarini g‘ayriqonuniy tayyorlash yoki ularni 
aslida mavjud bo‘lmagan yuridik shaxs yoki fuqarolar nomidan normativ 
hujjatlarda o‘rnatilgan talablarni buzgan holda tayyorlash, shuningdek, 
aytib o‘tilgan hujjatlarning shakli va mazmuniga ularning huquqiy 
maqomini o‘zgartiruvchi tuzatishlar, o‘zgartirishlar, qo‘shimchalar va 
hokazolarni kiritish.