Maxsus adabiyot

55-60-mavzu. Abdulla Oripov. “Haj daftari” turkumi (6 soat).
Adabiyotda “Arba’in” yozish an`anasi. “Haj daftari” muqaddimasi. Alisher Navoiyning Ka’baga bergan ta`rifi va Abdulla Oripovning “Ka’batulloh” she’ri qiyosiy tahlili. “Haj daftari” va shoirning payg`ambarga bo‘lgan sevgisi.
Asarda onalar ta’rifi. Shoir xulosalarining fikriy kashfiyot shaklidagi ifodalari (“Shayton”, “Kezib bu shaharni balki horgaysan…”, “Asliyat” she’rlari misolida).
Muhammad alayhissalom hadislarining mazmun-mohiyati Abdulla Oripov talqinida.


61-64-mavzu. O’tkir Hoshimov. Publitsistikasi. “Daftar hoshiyasidagi bitiklar” asari (4 soat)
O’tkir Hoshimov publitsistikasi. “Uvol”, “Andisha” kabi maqolalarida shifokorlar, maktab o‘qituvchilarining sho‘ro davrida tahqirlangan hayoti haqidagi haqiqatlarning aks etishi. “Paxta ishi”, “O‘zbeklar ishi” kabi millatimiz sha’ni, g‘ururini toptagan jarayonlarga qarshi ijodkor va fuqarolik munosabatini dadil ifoda etgani va shu tufayli el aro shuhrat qozongani.
“Daftar hoshiyasidagi bitiklar” ijodkor falsafiy qarashlari, o‘y-mushohadalarining o‘ziga xos mo‘jaz ifodalari ekani. Asarda hikoyat, rivoyat, hayotiy kuzatishlar bilan adibning umr tajribalari badiiy omuxtalanib, o‘quvchi uchun ibratli bitiklar, qaydlar, o’z kechmishi haqida fikr yuritishga undovchi eslatmalar o’laroq taassurot uyg’otishi. Asar ijtimoiy va maishiy turmushning turli ko‘rinishlariga donishmandona nigohning namunasi sifatida.