Maxsus adabiyot

IV. JAHON ADABIYOTI


65-68-mavzu. Jek London. “Martin Iden” romanidan parcha (4 soat).
Jek London – jahon adabiyotining ulkan namoyandasi sifatida. Hikoyadan romanga. “Martin Iden” romanidagi obrazlar tavsifi. Martin Iden – romanning bosh qahramoni. Bosh qahramon boshidan kechirgan mehnat-mashaqqatlar, turli sarguzashtlar bayoni. Romanda ijodkor dunyosi va ijodiy jarayondagi murakkabliklarning tasvirlanishi. Romanning avtobiografik tabiati. Yozuvchining badiiy mahorati; roman va zamon munosabati.


69-74-mavzu. Arturo Alape. “Olov” hikoyasi (6 soat)
Arturo Alape (1938-2006) hayoti va ijodi haqida ma’lumot. Lotin Amerikasi adabiyotining jahon adabiyotidagi salmog‘i. “Magik realizm” tushunchasi. Mif va asotirlarga asoslangan voqea va qarashlarning zamonaviy voqeliklar bilan uyg’unlikda badiiy asarlar sahifalariga ko’chgani. Arturo Alapening “Olov” hikoyasi. Hikoyada Kolumbiyadagi fuqarolar urushi davrida ro’y bergan voqealar. Jon saqlash uchun oddiy odamlarning ne-ne mashaqqatlarga duch kelishi, yashash uchun kurash azoblarining haqqoniy tasviri. Hikoyani o‘zbek tiliga o‘girgan tarjimonning badiiy mahorati, asar haqidagi qaydlari.