Maxsus adabiyot

III. XX ASR O‘ZBEK ADABIYOTI


38-41-mavzu. Mahmudxo‘ja Behbudiy. Publisistik asarlari (4 soat).
Mahmudxo‘ja Behbudiyning ijtimoiy-madaniy, adabiy-ma’rifiy faoliyatiga umumiy bir nazar. Behbudiyning o‘zbek jadidchilik harakati tarixida tutgan o‘rni. Behbudiy va o‘zbek matbuoti. Publisistik asarlarida ko‘tarilgan asosiy masalalar. “Ikki emas, to‘rt til lozim”, “Tanqid - saralamoqdur”, “Teatr nadur” va boshqa publisistik asarlari tahlili. Behbudiy ijodining o‘rganilishiga doir.


42-46-mavzu. Abdulla Qodiriy. “Otam va bolshevik” hikoyasi. Habibulla Qodiriyning “Otam haqida” asaridan parcha (5 soat).
Abdulla Qodiriy adabiy merosining o‘zbek adabiyoti tarixida tutgan o‘rni. Abdulla Qodiriy ijodida otasi Qodir bobo obrazining o‘ziga xos badiiy talqini. “Otam va bolshevik” va boshqa asarlarida ota obraziga munosabat masalasi. Otaga ehtirom. Habibulla Qodiriy o‘z otasi – Abdulla Qodiriy to‘g‘risida. “Otam haqida” - hujjatlarga asoslangan xotira kitobi. Kitobda adib ijodiy laboratoriyasining yoritilishi. Romanlari tarixiga bir nazar. Farzandlari va zamondoshlari xotiralarida adib fazilatlarining bayon etilishi. Qodiriyshunoslik haqida.