Mavzusidan metodik tavsiya

Onasi: Allohimning o`zi umri bilan bergan bo`lsin.
Amir Tarag`ay: bo`lmasa bor davlatimni berdim.
Onasi: ketmas davlatni ham Allohim bersin.
Amir Tarag`ay: jonimni berdim, butun urug`-aymog`imning shonini, barlos urug`ining or-nomusini berdim.
Onasi: yo`q sizni emas, men berayin jonimni, bag`ishlay har onimni.
Amir Tarag`ay: hech bo`lmasa oromimni, uyqumni berdim shu jigarbandimga.
Onasi: ertaga beshik to`yi nishonlayurmiz. Ne maslahat…
Amir Tarag`ay: butun Kesh ahliga chaqiruvchi jarchi jo`natdim. O`g`limning beshik to`yiday to`y hali ko`rmagan bo`lsin bu ahli zamon.
Onasi: beshik to`yining boshida kayvoni Yoshi ulug` buvilarimiz bo`lsinlar, farzandimiz umriga umr, aziz joniga tan-sihatlik so`rab duo qilsinlar.
(Barlos chiqib ketadi. Sahna yopilib, karnay-surnay sadolari ostida yana ochiladi. Tog`ora ko`targan buvilar sahnaga chiqib keladi).
1-buvi: qani, olib kelinglar, tog`ajonisi keltirgan beshikni. Ota-bobomiz yotgan tol beshikni, bag`ringga shu chaqa;oqni ol, beshik.
2-buvi: yangi-yangi ko`rpachalarni ko`taringlar, eng tagidagi to`shamasi donli, ilohim, rizqli-ro`zli, nasibali bo`lsin. Irodali, bardoshli bo`lsin.
3-buvi: boshidagi kulcha non, noonday aziz bo`lsin. Rizqi butun bo`lsin. Mana bu pichoq balo-qazolardan asrasin deb chaqaloqning boshiga qo`yiladi.
4-buvi: mana, bu oyna. Allohim, shu chaqaloqning yuzi oyday yorug` bo`lsin. Yo`llari yorug`, uyqusi tiniq bo`lsin.
5-buvi: olib kelinglar chaqaloqni, bismillohir rahmonir rohim, xudoyim shu chaqaloqni qo`ling bilan qo`rib yenging bilan yelpib turgin, egasi keldi beshikka, shaytonlar chiqsin eshikka. Egachilar chaqaloqni bunday qo`yaymi… bunday qo`yaymi? Beshigi taxta, orqasi paxta. Baqirib gaplashsa qo`rqmagin, mushuklaring niyovlasa qo`rqmagin. Kuchuklaring vovullasa qo`rqmagin, seskanmagin. Uying muborak, baxtdan bo`lgan beshik to`ying muborak.
Isming Temur ibn Amir Tarag`ay. Hoy, egachilar, endi kelinglar, bi-ir o`yin-kulgu qilaylik.
Ul bo`lsa polvon bo`lsin. Qiz bo`lsa chaman bo`lsin.
Boshida turing bobosi-ya hamrohi iymon bo`lsin.
1-boshlovchi: ha, o`zbek xalqi, boshiga ne-ne sitamlar tushsa ham o`zligingni, urf-odatlarini sedan chiqarmagan. Hozir siz Kesh momolarining sho`x aytimlarini eshitdingiz. Lekin, o`sha paytda xalq juda ezilgan, yurtimizni mo`g`ullar bosib olgan edi.