Mavzusida uslubiy tavsiya

Taqrizchilar:

G‘ulomova Nargiza – Navoiy viloyat XTXQTMOH markazi “Tillarni o‘qitish

metodikasi” kafedrasi katta o‘qituvchisi

Yo`ldosheva Tamara – Navoiy shahar 6-sonli umumta’lim maktabining ona tili

va adabiyot fani o‘qituvchisi

Uslubiy tavsiya Navoiy viloyat Navoiy shahar xalq ta’limi bo`limi metodik kengashining 2021-yil “___” ________ dagi ____ sonli yig‘ilish qarori bilan tasdiqlandi va foydalanishga ruxsat etildi.

KIRISH

Ona tili o`qitishning bosh maqsadi o‘z fikrini og‘zaki va yozma tarzda to‘g‘ri, ravon bayon qiladigan, kitobxonlik madaniyati shakllangan, mustaqil va ijodiy fikrlay oladigan, o`zgalar fikrini anglaydigan, muloqot va nutq madaniyati rivojlangan shaxsni kamol toptirishdan iboratdir. Bu maqsadni amalga oshirishda o‘qituvchilarning o‘rni beqiyosdir. Ayniqsa, hamma narsa birdek rivojlanib borayotgan zamonda o`qituvchi ham zamon bilan hamnafas yashashi lozim. Zamonaviy o‘qituvchi – kеlajak bunyodkori, yangi pеdagogik tеxnologiyalar, nazariyalar, konsеpsiyalar muallifi, ishlab chiqaruvchisi, tadqiqotchisi, foydalanuvchisi va targ‘ibotchisidir.

Men ham o‘z ish faoliyatim davomida o‘quvchilarga bilim berishda yangi-yangi usullarni qo‘llashga harakat qilaman. Bu usullarni o‘quvchilarning bilim doirasi, qizizqishi va bilimidagi bo‘shliqlardan kelib chiqib belgilayman. O‘quvchilarga dars berish jarayonida bir qancha muammolarga duch kelamiz.