Mavzunining dolzarbligi

1.2. Tabiatshunoslik o`qitishda qo`llaniladigan metod va usullarlardan foydalanish.
Tabiatshunoslikni o`qitish amaliyotida turli xil o'qitish metodlari qaror topgan. Biroq ushbu ancha muhim belgilarga qarab ularni quyidagicha guruhlashtirish mumkin:
a) o`quvchilar bilim oladigan manbalar;
b) o`quvchilar faoliyatining xarakteri;
d) o`qitish jarayonida o'quvchilar faoliyatining xarakteri.
Darsni muvaffaqiyatli o`tishi va qat’iy intizomga erishish uchun o’qituvchi yana ish boshlangungacha har bir o`quvchiga u mehnat qiladigan uchastkani ko`rsatadi, shuningdek kerakli individual ish qurollarini va ekish materialini beradi, har bir o`quvchi ish bilan band bo`lishi lozim, ish natijalari dars oxirida tekshirilishi va baholanishi kerak.
O`qituvchi materialni aytib berish yo`li bilan o`quvchilar ongida yorqin manzara qoldirish, ezgu tuyg`ularni uyg`otish, murakkab fikrni to`la mantiqiy rivojlantirish uchun ular oldiga savollar qo`yadi. Hikoya sujetli, illustratsiyali, informatsion kabi xillarga ega. Yangi material bayoniga o`quvchilarning tirik tabiat burchagi, maktab yer maydoni, ekskursiya yoki yozda, tabiat qo`ynida o`qituvchining topshirig`i bilan olib borgan kuzatish va tajribalari to`g`risidagi hikoyani kiritish g`oyat qimmatlidir. O`quvchilar o`qigan kitoblaridagi qahramonlarni hikoya qilib beradilar.
Tabiiy jismlar bilan ishlash metodikasi. Tabiatshunoslikni o`qitish uchun, ayniqsa, tabiiy jismlar kerak, chunki ular o`quvchilarda tabiiy jismlarni bevosita ko`rish asosida tasavvur va tushunchalar hosil qilishga imkon beradi (har bir o`quvchi tabiiy material bilan mustaqil ishlay olishi uchun uni yetarli miqdorda — o`quvchilar soniga qarab to`plash kerak). Qabul qilish uchun teri sezgisi, hid bilish, maza sezishni talab qilmaydigan yirik jismlarni o`qituvchi uzoqdan turib namoyish etadi. Yirik o`simliklar, masalan, makkajo`xori, pamidor, poliz ekinlari (o`simlik barg, ildiz, mevalari bilan) yoki hayvonlar, parrandalar (mushuk, qush va boshqalar) shunday ko`rsatilishi mumkin. Narsani o`quvchilarning barchasi yaxshi ko`rishlari uchun u sinf doskasiga o`qituvchi stoli balandligida o'rnatiladi.