Mavzuiy testlar, savolnoma, xronologik sanalar, atamalar Farg’оna – 2011 I bob. Yevropa ilk o’rta asrlarda

ATAMALAR LUG’ATI
Abbat (sur.”ota”) – erkaklar katolik monastrining boshlig’i.
Anafema (yun. ) – biron bir shaxsning cherkov tomonidan la’natlanishi , xristyanlikda cherkov tomonidan belgilangan eng oliy jazo. Anafamega uchragan shaxs odatta cherkovdan chetlashtrilar edi.
Bakalavr (lot.) – O’rta asr Yevropa universtetlarida (hozirgi kunda faqat Buyuk Britaniyada ) birinchi bor beriladigan ilmiy daraja.
Dekan (lot. “o’nboshi”) – 1) qadimgi Rimda o’n nafar askar boshlig’i; 2) o’rta asr universitetlarida fakultet rahbari.
Dofin (fr.) – Fransiyada taxt vorisi bo’lgan shaxsning unvoni (XIV asr o’rtalaridan 1830 – yilga qadar); valiaxd.
Doktor (lot.”o’qituvchi”) – O’rta asr universitetlarida tolibi ilmlarga beriladigan oliy ilmiy daraja.
Domen (lot. “mulk”) - Qirol va yirik feodallarning ota meros yer - mulki.
Dvoryanlar (rus. “nomdor zodagon”) - feodallar toifasining imtiyozli qismi. Imtiyozlar merosiy bo’lib, avloddan - avlodga o’tgan.
Fakultet (lot.”qobiliyat, imkoniyat”) – O’rta asr universitetlarining bir qismi bo’lib, unda ma’lum mutaxassislikka doir fanlar o’qitilgan.
General shtatlar (lot. “yalpi toifalar”) – Fransiyada o’rta asrlarda oliy tabaqaviy- vakillik muassasasi .
Gumanizm (lot. “gumanus”- insoniy) – Odamlar o’rtasidagi munosabatlar tenglik, adolat, insoniylikka asoslanishi kerak, deb hisoblaydigan ta’limot. Gumanizm ta’limoti insonga muhabbat, unga hurmat va g’amxo’rlik ruhi bilan yo’g’irilgan.
Gotika uslubi (germanlarning gotlar qabilasi nomidan olingan ) – XII asrda Fransiyada vujudga kelgan va butun G’arbiy Yevropaga yoyilgan me’morchilik uslubi . Gotika uslubdagi imoratlar baland, peshtoqlari uchli , darvozalari baland , oynalari vitrajlar bilan bezalgan edi.
Jakeria (Jak degan ismdan olingan. Dvoryanlar dehqonlardan jirkanib, ularni qishloqlarga keng tarqalgan ism bilan “Sodda Jak” deb ataganlar ) – 1358 – yilda Fransiyada ro’y bergan qo’zg’olon. “Jakeria” so’zi ko’chma ma’noda umuman barcha dehqon qo’zg’olonlarini anglatuvchi atamadir.