Mavzu: yong‘in xavfsizligi

5. Materiallarning yonish va portlash bo‘yicha tasnifi
Tayanch iboralar: tasnif, yonish xususiyati, yonmaydigan materiallar, qiyin yonuvchi materiallar, yonuvchi materiallar, portlashga xavfli.
Barcha qurilish materiallari yonish xususiyati bo‘yicha quyidagi uch turga
Bo‘linadi:

• 
  yonmaydigan materiallar – tashqi yong‘in manbasi tasirida yonmaydi;
  
• 
  qiyin yonuvchi materiallar - tashqi manba tasirida yonib, manba olingach mustaqil yonmaydi;
  
• 
  yonuvchi materiallar – tashqi yong‘in manbasi olingach, mustaqil yonish xususiyatiga ega bo‘ladi.
  

Tez yonuvchi va yonuvchi suyuqliklar bug‘lanish natijasida portlovchi aralashma muhit hosil qiladi. Bundan tashqari ayrim changlarning havo bilan aralashmasi portlashga xavfli hisoblanadi. Ular yonish va portlash xavfliligi bo‘yicha portlashga xavfli (aerozol holatida) hamda yonishga xavfli (aerogel) turlarga bo‘linadi va quyidagi to‘rt sinfga ajratiladi:

• 
  1-sinf– portlashga o‘ta xavfli changlar, alangalanishning pastki chegarasi –15 g/m³.gacha bo‘lgan muhit;
  
• 
  2-sinf - alangalanishning eng pastki chegarasi 16 dan 65 g/m³ gacha bo‘lgan, portlashga xavfli muhit.
  
• 
  3 va 4-sinf – alangalanishning pastki chegarasi 65 g/m³ dan yuqori bo‘lgan yonishga xavfli muhit. III sinfdagi changlarning alangalanish harorati – 250^oS, IV sinfga taaluqli changlarniki esa – 250^oS dan yuqori.
  

6. Ishlab chiqarishni portlash, yonib-portlash va yong‘in xavfliligi
bo‘yicha kategoriyalari. Yong‘inga xavfli zonalar
Tayanch iboralar: ishlab chiqarishni tasnifi, kategoriya yong‘inga xavfli, portlab-yonishga xavfli, portlashga xavfli,yong‘in va portlashga xavfsiz, yong‘inga xavfli zonalar.,
Ishlab chiqarish unda ishlatiladigan yoki saqlanadigan materiallarning yonish xususiyati bo‘yicha 6 ta kategoriyaga ajratiladi - A,B,V,G,D,E.