Mavzu: Yo’l belgilarining o’rnatilishi Reja: Yo’l belgilarining guruhlari

3. Tashqi yoritgichlarda
Etarlicha ko’rinmaslik sharoitida yoki kunning qorong’i vaqtlarida transport vositalarining gabaritlarini belgilovchi tashqi yoritgich asboblari har bir transport vositalari uchun alohida aniq o’lchamlar asosida belgilangan. SHuning uchun ularni o’zgartirish, ya’ni boshqa turdagilari bilan almashtirish taqiqlanadi. CHunki har bir transport vositasining tashqi yoritgichlari faqat uning tashqi chiroyi, ya’ni dizayni emas, balki har bir modelь, marka uchun taniqlik belgisi hamdir. Hammamizga ma’lumki, kunning qorong’i vaqtlarida haydovchi yoki yo’lovchilar transport vositalarining tashqi yoritgichlariga qarab, ularning gabarit o’lchamlarinigina emas, balki ularning turini, marka va modelini ham aniqlashlari mumkin. SHu bilan birga, tashqi yoritgichlarning o’rnatilishida transport vositasining bo’ylama o’qidan simmetrik masofada joylashuvi va ularning yer yuzidan ruxsat etilgan balandligi ham e’tiborga olingan.
3.1. Tashqi yoritgichlar soni, turi, joylashuvi va ishlash tartibi transport vositasining tuzilishi talabiga mos kelmasa.
Izoh:
1. Mototsikl, mopedlar bitta, boshqa transport vositalari esa ikkita tumanga qarshi faralar bilan jihozlangan bo’lishi mumkin. Tumanga qarshi faralar yo’l yuzidan 250 mm. dan kam bo’lmagan balandlikda joylashishi, lekin yaqinni yorituvchi faralardan baland bo’lmasligi, transport vositasining o’qiga mutanosib va tashqi gabaritdan ko’pi bilan 400 mm. uzoqlikda joylashishi kerak.
2. Tumanga qarshi bitta yoki ikkita qizil chiroq transport vositalarining orqasiga 400 – 1200 mm. balandlikda va to’xtatish ishorasidan kamida 100 mm. yaqinlikda o’rnatiladi.
3. Tumanga qarshi fara, orqa chiroqlar, gabarit chiroqlari va davlat raqami belgisini yorituvchi chiroqlar bir vaqtda yoqilishi kerak.
4. Yengil transport vositasi va avtobusga bitta yoki ikkita qo’shimcha qizil rangli, tormoz berganda yonuvchi chiroqni 1250 – 1400 mm. balandlikda o’rnatishga ruxsat etiladi.
5. Ishlab chiqarilishi to’xtatilgan yengil avtomobillarga boshqa turdagi, rusumdagi transport vositalarining tashqi yoritgichlarini o’rnatishga ruxsat etiladi.
3.2. Yorituvchi fara nurining yo’nalishi buzilgan bo’lsa.
3.3. Agar tashqi yoritgichlar va nur qaytargichlar belgilangan tartibda ishlamayotgan yoki ifloslangan bo’lsa.
3.4. Yoritish asboblarida nur sochuvchi bo’lmasa yoxud nur sochuvchi va lampalar tegishli yorug’lik asboblari turiga mos bo’lmaganidan foydalanilgan bo’lsa.