Mavzu: uzumlarni quritish texnologiyasi

Mavzuning o‘rganilganlik darajasi. Uzumning mayizbop va kishmishbop navlarini quritish texnologiyasining samarali elementlarini ishlab chiqish, quritish usullarini takomillashtirish, quritish jarayonlariga resurstejamkor texnologiyalarni joriy qilish bo‘yicha T.N.Tulasidas, C.Ratti, By Jun Wang, Arun S.Mujumdar, R.N.Vânia, Kh.A.Sajjad, N.Netreba, Sh.K.Omarov, M.S.Pogorelov, M.Mirzaev, A.Yu.Djavakyans, R.M.Rizaev va boshqalar tomonidan keng qamrovli ilmiy izlanishlar olib borilgan.
Bugungi kunda uzum mahsulotlari ishlab chiqarish samaradorligini yanada oshirish, xomashyoga ishlov berish usullarini takomillashtirish, quritish jarayonlariga resurs va energiyatejamkor samarali texnologiyalarini tatbiq etish bo‘yicha ilmiy ishlar olib borilmoqda. Shu munosabat bilan kurs ishida uzumning mayizbop (germiyon) navlari g‘ujumining texnologik ko‘rsatkichlarini o‘rganish, xomashyoga mahalliy zararsiz, resurstejamkor tabiiy moddalar bilan ishlov berish, uzum quritishga mo‘ljallangan qurilmalarni takomillashtirish orqali sifatli eksportbop mahsulot ishlab chiqarish masalalarni o’rganishga qaratilgan.
Mavzuning maqsadi uzumning yirik g‘ujumli mayizbop (germiyon) navlarining agrobiologik, texnologik xususiyatlarini baholash va quritish texnologiyasining samarali elementlarini ilmiy asoslashdan iborat.
Kurs ishining vazifalari quyidagilardan iborat:
uzumni mayizbop (germiyon) navlarining agrobiologik xususiyatlarini tadqiq qilish, g‘ujumining mexanik va biokimyoviy tarkibini tahlil qilish;
uzumning yirik g‘ujumli mayizbop (germiyon) navlarining texnologik ko‘rsatkichlarini baholash;
uzumning mayizbop navlarini usti yopiq qurilmalarda quritish usullarini o’rganish;
quyosh batareyali quritish qurilmasida uzumning mayizbop navlarini quritishning samarali usulini o’ragnish.
Mavzuning ob’ekti sifatida uzumning yirik g‘ujumli mayizbop (germiyon) navlari: Sultani (Djaus), Kara djandjal, Katta Kurgan (Maska), Muskat Xusayni, Nimrang, Guzal kara, shuningdek plyonkali chodirlar va quyosh batareyali quritgich xizmat qilgan.