Mavzu: Tasavvufning vujudga kelish tarixi

17. Xoja Alouddin Attor quddisa sirruhu. U kishi hijriy 802 sana – milodiy 1399 sanada Chag‘oniyon nomli joyda vafot etganlar. Tug‘ilgan sanalari ma’lum emas. Xoja Alouddin Attor quddisa sirruhu silsila omonatini Xoja Muhammad Bahouddin Naqshband hazratlaridan olganlar.
18. Xoja Ya’qub Charxiy quddisa sirruhu. Bu zoti sharifning G‘azna viloyati, Charx qishlog‘ida tug‘ilganlari ma’lum. Qaysi sanada tug‘ilganlari esa ma’lum emas. Mavlono Ya’qub Charxiy hazratlari hijriy 851 sana – milodiy 1447 sanada hozirgi Dushanbe shahrida vafot etganlar. Mavlono Ya’qub Charxiy rahmatullohi alayhi silsila omonatini xoja Alouddin Attor hazratlaridan olganlar.
19. Xoja Ubaydulloh Ahror quddisa sirruhu. Bu zot hijriy 806 sana – milodiy 1404 sanada Toshkent shahrining Bog‘iston nomli dahasida dunyoga kelganlar. Hijriy 893 sana – milodiy 1490 sanada vafot topganlar. Xoja Ubaydulloh Ahror rahmatullohi alayhi silsila omonatini mavlono Ya’qub Charxiy hazratlaridan olganlar. Shuningdek, Abdulxoliq G‘ijduvoniy, Shoh Naqshband va Alouddin Attor rahmatullohi alayhimdan ma’naviy ozuqa ham olganlar.
20. Xoja Muhammad Zohid quddisa sirruhu. Bu zoti oliyning tug‘ilgan yurtlari va yillari haqida ma’lumotimiz yo‘q. Vafotlari esa hijriy 936 sana – milodiy 1529 sanada Badaxshda bo‘lgan. Xoja Muhammad Zohid rahmatullohi alayhi silsila omonatini Xoja Ubaydulloh Ahrordan olganlar.
21. Darvish Muhammad quddisa sirruhu. Bu zoti oliyning tug‘ilgan yurtlari va yillari haqida ma’lumotimiz yo‘q. Vafotlari esa Dasfirorda hijriy 970 sana – milodiy 1562 sanada bo‘lgan. Darvish Muhammad rahmatullohi alayhi silsila omonatini Xoja Muhammad Zohid rahmatullohi alayhidan olganlar.
22. Xoja Muhammad Imkanagiy quddisa sirruhu. Hazrati Xojagiy Muhammad Imkanagiy rahmatullohi alayhi hijriy 918 sana – milodiy 1512 sanada Samarqandning Imkana degan joyida tavallud topganlar. O‘zlari tug‘ilib o‘sgan mana shu yurtda hijriy 1008 sana – milodiy 1599 sanada vafot etganlar. Hazrati Xojagiy Muhammad Imkanagiy rahmatullohi alayhi silsila omonatini o‘z otalari Darvish Muhammad rahmatullohi alayhidan olganlar.