Mavzu: Tasavvufning vujudga kelish tarixi

23. Xoja Muhammad Boqiy quddisa sirruhu. Hazrati xoja Muhammad Boqiy rahmatullohi alayhi hijriy 973 sana – milodiy 1565 sanada Afg‘onistonning Kobul shahrida tug‘ilganlar va hijriy 1014 sana – milodiy 1606 sanada Dehlida vafot etganlar. Hazrati xoja Muhammad Boqiy rahmatullohi alayhi silsila omonatini Xojagiy Muhammad Imkanagiy rahmatullohi alayhidan olganlar.
24. Imomi Robboniy Ahmad Foruq Sarhandiy quddisa sirruhu. Imomi Robboniy rahmatullohi alayhi hijriy 971 sana – milodiy 1563 sanada Hindistonning Sarhand shahrida shavvol oyining 14 kuni, jum’a kechasida tavallud topganlar va hijriy 1034 sana – milodiy 1625 sanada o‘sha erda vafot etganlar. Imomi Robboniy rahmatullohi alayhi silsila omonatini xoja Muhammad Boqiy rahmatullohi alayhi hazratlaridan olganlar.
25. Urvatul Vusqo Shayx Muhammad Ma’sum quddisa sirruhu. Shayx Muhammad Ma’sum rahmatullohi alayhi Hindistonning Sarhand shahrida, hijriy 1007 sana – milodiy 1598 sanada tavallud topib, o‘sha erda hijriy 1079 sana – milodiy 1669 sanada vafot etganlar. Shayx Muhammad Ma’sum rahmatullohi alayhi silsila omonatini otalari Imomi Robboniy rahmatullohi alayhidan olganlar.
26. Shayx Sayfuddin quddisa sirruhu. Imomi Robboniyning nabiralari, shayx Muhammad Ma’sum rahmatullohi alayhining o‘g‘illari bo‘lmish shayx Sayfuddin rahmatullohi alayhi hijriy 1049 sana – milodiy 1639 sanada Sarhandda tavallud topganlar va hijriy 1096 sana – milodiy 1694 sanada o‘sha erda vafot etganlar. Shayx Sayfuddin rahmatullohi alayhi silsila omonatini o‘z otalari Muhammad Ma’sum hazratlaridan olganlar.
27. Sayyid Nurmuhammad Badavuniy quddisa sirruhu. Bu zotning tug‘ilgan joylari va yillari haqida ma’lumotga ega emasmiz. Ammo hijriy 1135 sana – milodiy 1722 sanada Badavunda vafot etganlari ma’lum va mashhurdir. Sayyid Nurmuhammad Badavuniy rahmatullohi alayhi silsila omonatini shayx Sayfuddin hazratlaridan olganlar.
28. Habibulloh Mazhar Joni Jonon Shamsuddin quddisa sirruhu. Bu zot hijriy 1113 sana – milodiy 1701 sanada tug‘ilib, hijriy 1195 sana – milodiy 1781 sanada vafot etganlar. Lekin tug‘ilgan va vafot etgan joylari haqida ma’lumotga ega emasmiz. Habibulloh Mazhar Joni Jonon Shamsuddin rahmatullohi alayhi silsila omonatini sayyid Muhammad Badavuniy rahmatullohi alayhidan olganlar.