Mavzu: Suyaklarning organ sigatida tuzilishi. Bosh suyagi. Reja: bosh suyagi tarkibiga kiruvchi suyaklar

Hayvonlardagi farq qiluvchi xususiyatlari. Qo‘ylarda - peshona suyagi do‘ng, muguzsimon o‘simtasi bir-biriga yaqin, yonoq o‘simtasi yonoq suyagiga birlashgan, ular oralig‘ida ko‘z usti teshigi bo‘ladi. Peshona kovagining pastki qismi burun bo‘shlig‘iga qo‘shilgan. Otda - peshona suyagining tashqi yuzasida peshona, ko‘z va chakka qismlari farqlanadi; ponasimon suyakning ko‘z qanoti joylashishi uchun kesik chuqur; yonoq suyagi o‘simtasi yonoq yoyi bilan birikkan; bu o‘simtada ko‘z yoshi g‘altaksimon muskul chuqurchalari va ko‘z usti teshigi joylashadi; panjarasimon kesigi bo‘ladi; peshona bo‘shlig‘i burun qismida yaxshi taraqqiy etgan. Cho‘chqada - peshona suyagining ko‘z o‘simtasi yonoq yoyi bilan birikmaydi; ko‘z usti teshigidan ariqcha faqat oldinga tomon ketgan; peshona suyagining chakka maydonchasi bo‘lmaydi; panjarasimon suyakning teshigi peshona suyagida joylashadi. Itda - peshona suyagining yonoq o‘simtasi yonoq yoyigacha etib bormaydi; ko‘z usti teshigi bo‘lmaydi; panjarasimon suyak teshigi 2 ta; peshona suyagi yuqorigi jag‘ suyagi bilan birikkan bo‘ladi.
Yuz bo‘lim suyaklari - cranium viscerali s. splanchnocranium og‘iz va burun bo‘shlig‘ining hosil bo‘lishida ishtirok etadigan suyaklardir. Yuz bo‘limi suyaklariga: pastki jag‘, yuqorigi jag‘, jag‘ oraliq, burun, yonoq, ko‘z yoshi, tanglay, qanotsimon, dimog‘, yuqorigi va pastki burun chig‘anoqlari hamda til osti suyaklari kiradi.
Pastki jag‘ suyagi - os mandibulare ikkita suyakdan tuzilgan bo‘lib, chakka suyagining yonoq o‘simtasi bilan birikib turadi. Bu suyakda tanasi - corpus mandibulare hamda jag‘ shoxchasi - rami mandibulare farqlanadi. Pastki jag‘ joylashadigan katakchalari - margo alveolaris da esa tishlarning kesuvchi qismi - pars incisiva, asosiy qismi - pars molaris farqlanadi. Kesuvchi qismida tashqi qavariq lab yuzasi - facies labialis va ichki botiq til yuzasi - facies lingualis bo‘ladi. Bu ikkala yuza alveolyar yuzada bir biriga birlashadi va shu erda 4 ta tish alveola katakchalari bo‘ladi. Kesuvchi qismida tishli alveolyar cheti - rami-margo alveolaris bo‘lib, u tishsiz cheti - rami-margo interalveolaris ga o‘tadi. Asosiy qismida til yuzasi - facies lingualis va jag‘lararo muskul uchun jag‘-til osti liniya (hoshiya) - linea mylohyoidea hamda lunj yuzasi - facies buccalis bo‘ladi.