Mavzu: So‘z – tilning lug‘aviy birligi sifatida Reja: Kirish

Mavzu: So‘z – tilning lug‘aviy birligi sifatida

Reja:

1. 
   Kirish
   

So`z haqida izlanishlar

2. 
   Asosiy qism
   

1. 
   So‘zning lug‘aviy birlik sifatidagi mohiyati.
   
2. 
   So‘zning leksik va grammatik ma’nolari.
   
3. 
   So‘z va tushuncha o‘rtasidagi munosabat.
   
4. 
   So`zlarning shakl va ma’no munosabatiga ko‘ra turlari.
   
5. 
   So‘z va termin (atama) o‘rtasidagi munosabat haqida.
   

Xulosa

Foydalanilgan adabiyotlar.

Kirish

Mamlakatimiz mustaqillikka erishgandan keyin ona tilimizga alohida e’tibor qaratila boshlandi, tilga bo‘lgan munosabat davlat siyosati darajasiga ko‘tarildi. Ma’lumki, til millatning ko‘zgusidir. Buyuk ma’rifatparvar bobomiz Abdulla Avloniy aytganidek: “Har bir millatning dunyoda borlig‘ini ko‘rsatadurgan oyinai hayoti til va adabiyotidur. Milliy tilni yo‘qotmak millatning ruhini yo‘qotmakdur”.

Birinchi Prezidentimiz Islom Karimovning ta’lim sohasiga doir siyosatini yanada takomillashtirib, yuksaltirayotgan prezidentimiz Shavkat Mirziyoyevning yoshlarga oid davlat siyosati, ilm-fan sohasidagi islohotlari, jumladan: “Biz yoshlarga doir davlat siyosatini hech og‘ishmasdan, qat’iyat bilan davom ettiramiz. Nafaqat davom ettiramiz, balki bu siyosatni eng ustuvor vazifamiz sifatida bugun zamon talab qilayotgan yuksak darajaga ko‘taramiz”¹, deb aytgan gaplari fikrimizga dalil bo‘ladi.

Tilshunosligimiz tarixida so‘z xususida bir qancha izlanishlar olib borilgan. Jumladan, I. Qo‘chqortoyevning “So‘z ma’nosi va uning valentligi” monografiyasi, A. Hojiyevning “Qo‘shma, juft va takroriy so‘zlar” ilmiy tadqiqoti, A. Rustamovning “So‘z xususida so‘z” monografiyalari va boshqalarni misol qilib keltirish mumkin.

Mustaqillik sharofati tilshunoslik sohasida ham samarali izlanishlar olib borilmoqda. Shu jumladan, lug‘aviy birlik sanalgan so‘zlar haqida ham samarali tadqiqotar amalga oshirilmoqda. H.Shamsiddinovning “O‘zbek tilida so‘zlarning funksional-semantik sinonimlari” doktorlik dessirtatsiyasi, Xajiyev.S.K “So‘z ma’nosining ko‘chishi bilan bog‘liq lingvistik hodisalar” nomzodlik dissirtatsiyalari, N.Mahmudovning “Tilimizning tilla sandig‘i” risolasi shular jumlasidandir.