Mavzu: Seminar va laboratoriya mashg`ulotlarini tashkil etish va o`tkazish uslubiyoti

Seminar mashg‘ulotini tashkil etish va o‘tkazish

Seminar mashg‘ulotlarini quyidagicha tashkil etish mumkin: avvalo o‘qituvchi seminarning vazifasi va uni o‘tkazish tartibini belgilaydi. So‘ngra nutq so‘zlash uchun o‘kuvchilarga so‘z beradi. SHundan keyin ishtirok etuvchilar nutq so‘zlaganlarga savollar beradi, ular javob qaytarishadi. Keyin boshqa talabalar nutq mazmuniga xaratkeristika berib, uni to‘ldiradilar (yutuq va kamchiliklar ko‘rsatiladi). O‘qituvchi seminarni yakunlar ekan, asosiy nutqni baholaydi, uning mazmuni, ifoda formasi ko‘rgazmali qurollar (jadvallar, rasmlar, fotosuratlar va boshqalar) dan foydalanish darajasiga xarakteristika beradi, shuningdek, boshqa o‘kuvchilarning nutqlari to‘g‘risida ham fikr mulohazasini aytadi. Mashg‘ulot so‘ngida qo‘yilgan vazifa qanday bajarilganligini aytib o‘tish va navbatdagi seminarga tayyorlanish uchun tavsiyalar berish muhim.
Seminarlarni tashkil etishdan ko‘zlangan maqsad talabalarning mustaqil ishlarini yanada rivojlantirish, ayrim mavzular yuzasi dan keng va chuqur ma’lumot bera oladigan manbalar ustida ishlay olishlari hamda shu asosda kelajak faoliyatlarida zarur adabiyotlardan foydalana olish ko‘nikma va malakalariga ega qilishdan iboratdir.
Ta’lim beruvchi seminar mashg’ulotlarini tashkil etish va o’tkazishda pedagogika nazariyasi va amaliyoti fanining o’ziga xosliklarini hisobga oladi va seminar mashg’ulotini quyidagi shaklda tashkil etishi mumkin:
1) jamoaviy (butun guruh bilan);
2) guruxiy (kichik-kichik guruxlarga bo’lingan holda)
Seminar mashg‘uloti talabalar tomonidan u yoki bu mavzu bo‘yicha ma’ruzalar tayyorlash hamda uni sinf o‘quvchilari bilan muhokama qilish yo‘li bilan olib boriladi.
Seminar mashg‘ulotiga tayyorgarlik ko‘rish va o‘tkazishda quyidagi savollarga javob topiladi:
1. Nima uchun? – Seminarni tashkil etishdan ko‘zlangan maqsad.
2. Qanday tarzda? – Seminarni olib borish texnologiyasini ishlab chiqish.
3. Nimani muhokama qilish? – Seminarni olib borish vaqtida muhokama qilinadigan materiallar mazmuni.