Mavzu: Qang’ davlati va boshqaruv tizimining O’zbek davlatchiligida tutgan o’rni Kirish Reja

Mavzu: Qang’ davlati va boshqaruv tizimining O’zbek davlatchiligida tutgan o’rni

Kirish
Reja:

1. Yozma manbalarda Qang’ davlatining tashkil topishi va uning hududi haqida

ma’lumotlar
2. Antik davrda tashkil topgan Qang’ davlatining davlat boshqaruvi tizimi
3. Qang’ davlati hududidagi markaziy shaharlar va viloyatlari

Xulosa
Foydalanilgan adabiyotlar


Kirish
Yurtimizning milliy istiqlolga erishish sharofati bilan o’zbek xalqining
etnik tarixini chuqur o’rganish va uni xaqqoniy, rostgo’ylik asosida yoritish
hamda milliy qadriyatlarimizni tiklash vaqti keldi. Shu o’rinda birinchi prizidentimiz I.A.Karimov ta’kidlaganlaridek, “Bugun bizning oldimizda shunday tarixiy imkoniyat paydo bo’ldiki, biz bosib o’tgan yo’llarimizni tanqidiy baholab, milliy davlatchiligimiz negizlarini aniqlab, milliy madaniyatimiz tomirlariga, qadimiy merosimiz ildizlariga qaytib, o’tmishimizdagi boy an’analarimizni yangi jamiyat qurilishiga tadbiq etmog’imiz kerak”¹.
Sirdaryoning o’rta oqimlarida yashovchi sak qabilalari makedoniyalik Iskandar qo’shinlari va Salavkiylar tajovuziga qarshi uzluksiz kurash olib boradilar. Ana shu betinim kurashlar borayotgan bir paytda miloddan oldingi III asr boshlarida yarim o’troq Qang’ davlati vujudga keladi. Bu davlat Sirdaryoning o’rta oqimida yashovchi tub yerli aholini va bir qancha ko’chmanchi va yarim ko’chmanchi qabilalarni hamda o’lkalarni birlashtiradi.
Yunon Baqtriya (miloddan oldingi 250-130 yy). va Parfiya (miloddan oldingi 250-milodiy 224 yy.) davlatlari shimolda yashovchi ko’chmanchi qabilalar bilan to’qnashib turishlari natijasida Qang’ davlati tobora rivojlanib boradi va eramizdan oldingi II —I asrlarda O’rta Osiyoda yirik va kuchli davlatga aylanadi. Shu davrlarga kelib Qang’ siyosiy birlashmasi So’g’diyonaga hamda Xorazmga o’z hukmronligini o’tkazadi. Bu davlatning asosiy markazi Sirdaryoning o’rta oqimlarida bo’lgan. O’rta Osiyo xalqlari tarixida, jumladan o’zbek xalqining tarixida Qang’ davlatining ahamiyati juda katta bo’lgan. Bundan ashqari bu Qang’ davlati davlat boshqaruvi ham bizning O’zbek davlatchiligimizda katta ahamiyatga ega davr hisoblanadi. Qang’ davlati antik davrda eng ko’p yashagan davlat hisoblanadi uni qancha ko’p o’rgansak shuncha o’rganilmagan jihatlari, yangi yangi ma’lumotlar chiqib kelaveradi.