Mavzu: O`rta Osiyo allomalarining tabiatshunoslikni o`qitish metodikasi faninig shakllanishi va rivojlanishiga qo`shgan hissalari Al-Xorazmiy, Beruniy,Forobiy, Ibn Sino, Fargoniy, A. Temur, Ulugbek, Bobur. Reja

Mavzu: O`rta Osiyo allomalarining tabiatshunoslikni o`qitish metodikasi faninig shakllanishi va rivojlanishiga qo`shgan hissalari(Al-Xorazmiy, Beruniy,Forobiy, Ibn Sino, Fargoniy, A.Temur , Ulugbek, Bobur.

Reja:

1. Markaziy osiyo tabiatshunosligining rivojlanishi.

2. Al-Xorazmiy, Beruniy,Forobiy, Ibn Sino, Fargoniylarning tabiatshunoslikni o`qitish metodikasiga qo`shgan hissasi.

3. A.Temur , Ulugbek, Bobur kabi sarkardalarning tabiatshunoslikga oid o`gitlari.

Xulosa.

1. Markaziy osiyo tabiatshunosligining rivojlanishi.

O'rta Osiyo mutafakkirlarining ilg'or g'oyalari. Uyg'onish davridagi tabiiyot ilmining, shuningdek, G'arbiy Yevropadagi tabiiyot ilmining yutuqlari umumiy biologiya, anatomiya, fiziologiya va psixologiyaning rivojlanishi uchun asos bo'ldi. Tabiatning evolutsion rivojlanish nazariyasi, soddadan murakkabga o'sib borish, o'zgaruvchanlik, birlamchi va ikkilamchi signal sistemalari, tabiiy va sun'iy tanlash masalalari O'rta Osiyo olimlari tomonidan G'arbiy Yevropa olimlaridan 800—900 yillar oldin asoslanib berilganligi fikrimizning dalilidir.

O'rta Osiyoda yashab o'z asarlari bilan tabiiy fanlar rivojiga barakali hissa qo'shgan olimlar Ibn Sinoning ustozi tabiatshunos Abu Abdullo Natiliy (X—XI asr), botanik (hashshob) Abu Hanifa Dinavariy (815—896), Xotam Roziy, Abu Bakr ar- Roziy, Naabulisiy, Mirzo Ulug'bek, Zahiriddin Muhammad Bobur va boshqalardir. Respublikamiz Prezidenti Sh.Mirziyoev ular hadida shunday degan edilar: «Yurtimizni azaldan daholar yurti deb, haqli ravishda hamisha faxrlanib kelamiz. Imom Buxoriy, Ibn Sino, Beruniy, Mirzo Ulug'bek, Alisher Navoiy, Mirzo Bobur kabi buyuk allomalarimiz o'zlarining yorqin iste'dodlari bilan butun jahonga dong taratganJar, bularni biz kelajak avlod ongiga singdirib borishimiz kerak».

Dong'i dunyoni tutgan mutafakkirlarimizning insonni o'rab turgan tabiat bilan aloqalari haqidagi qarashlari bilan qisqacha tanishib o'tamiz.

Al Xorazmiy. Abu Abdullo Muhammad ibn Muso al-Xorazmiyjahon matematika fanining asoschilaridan bo'lgan O'rta Osiyo olimlaridan hisoblanadi.

Al Xorazmiy IX asr boshlarida Bag'dodda O'rta osiyolik olimlar Al Ahmad Ibn Kasir al-Farg'oniy, Abbos ibn Javhariy bilan «Ma'mun akademiyasi» (Bayt ul hikmat)ni boshqara boshlaydi.

Bag'dod xalifasi Ma'mun al-Xorazmiyga «Yer va Osmon xaritasi»ni tuzish ishini boshqarishni topshirdi. Xarita ustida olimlar 84 yil davomida tadqiqot ishlarini olib borishdi.