Мавзу: операторнинг иш жойини ташкил қилиш. Хавфсизликнинг психологик асослари

Ишлаб чиқаришдаги жароҳатланишни асосий сабаблари қуйидаги сабабларга бўлиш мумкин. Техникавий сабаблар-Қишлоқ хўжалик машиналари ва қуроллари қоронғида ишлаганда етарли ёритилмаслиги; машина ва механизмларни ҳаракатланувчи қисмлар ва механизмларни ҳаракатланувчи қисмлар ва узатмаларнинг ҳимоя тўсиқлари билан жиҳозланмаганлиги; таъмирлаш, техник хизмат кўрсатиш ишларини бажариш учун соз бўлмаган асбоб мосламаларни бўлмаслиги ва бошқалар. Ташкилий сабаблар-техника хавфсизлиги қоидаларига риоя қилмаслик; қишлоқ хўжалик агрегатлари ҳаракатида (ишлашида) ва уларга техник қаровни ўтказиш техника хавфсизлиги бўйича белгиланган қоида ва меъёрлар бузилганда; иш жойларини тартибсиз тутганда, хавфли иш усуллари қўлланилганда ва ҳ.к.

Санитар – гигиеник сабаблар-махсус кийим ва ҳимоя воситалар бўлмаслиги; ёмон метеорологик шароитлар (ҳаво ҳарорати, нисбий намлиги, ҳаво ҳаракатининг тезлиги) мавжудлиги; зарарли ва захарловчи моддалар; шовқин ва титраш; шахсий гигиена қоидалари бузилганида; ишлаб чиқариш ва маиший хоналарни санитар ҳолатларга мос бўлмаслиги ва ҳ.к. Руҳий ҳолатлар- Ишнинг ҳамиша бир хиллиги, оғир жисмоний меҳнат туфайли зўриқиши, киши организмига иш жойининг руҳий жиҳатдан мос келмаслиги, чарчаши, жамоатчилик орасида носоғлом муҳит туфайли келиб чиқади.

Иқтисодий сабаблар- Меҳнат муҳофазаси масалаларига совуққонлик билан қараш, шунингдек ойлик моашни ўз вақтида берилмаслиги, иш шароитини яхшилаш тадбирларига етарли миқдорда маблағ ажратилмаслиги. Ишчининг айби билан содир бўладиган бахтсиз ходисалар қаторига- Ишчининг интизомсизлиги, ишга бетоб ёки маст ҳолатда келиши.

Фаолият ва меҳнат.

• Файласуфларнинг фикрича, инсонга берилиши керак бўлган энг тўғри таъриф бу - “Ноmо agens”, яъни ҳаракат қилувчи, ёки фаолият кўрсатувчи одамдир.
• Онгли равишда маълум бир мақсадга, натижага эришиш учун қилинган ҳар қандай ҳатти-ҳаракатни фаолият деб қараш мумкин.
• Фаолиятнинг турли-туман шакллари мавжуд, масалан жисмоний меҳнат, ақлий меҳнат, илм-фан, спорт, санъат, адабиёт билан шуғулланиш, маданий ҳордиқ чиқариш ва бошқа.
• Юқоридагиларнинг ичида меҳнат фаолиятнинг олий шакли деб ҳисобланади, чунки фақат меҳнат натижасидагина инсониятнинг барча моддий, маънавий ва бошқа турдаги бойликлари яратилади.