Mavzu: Ona-Vatan

DIDAKTIK MATERIALLAR

Maqollarni o'qing va mazmunini izohlang.

Ona-Vatan haqida xalq maqoilari:

Eldan ayrilguncha, jondan ayril. Eldan ayrilgan yetti yil yig'lar. Vatan gadosi — kafan gadosi.

Matndan xulosa chiqaring.

OTA-ONANI HURMATLASH HAQIDA («Qobusnoma»dan)

Har bir farzandki, oqil va dono bo'lsa, hech vaqt ota-onaning mehr haqqini ado qilmoqdan holi bo'lmag'usidir. O'z farzanding sening haqingda qanday bo'lishini tilasang, sen ham ota-onang haqida shunday bo'lgil, nedinkim sen ota-onang haqida nima ish qilsang, farzanding ham sening haqingda shunday ish qilur, chunki odam mevaga, ota-ona daraxtga o'xshaydur. Daraxtni har qancha yaxshi tarbiya qilsang, mevasi shuncha yaxshiroq va shirinroq bo'lur. Ota-onaga izzat va hurmatni qancha ko'p qilsang, ularni sening haqingdagi duosi shuncha tezroq mustajob bo'lur. Ha, hech qachon ota-onaning duosidek ijobatli duo, bu zoti shariflardek niyatlari pok, o'git va nasihatlari samimiy inson bo'lmagan. Ota-onaning doimo xizmatida kamarbasta bo'lgan farzand ikki dunyoda ham xor bo'lmagay. Hamma vaqt harakat qilginki, ota-ona sendan rozi va shodmon bo'lsin. Ularning shodligi senga omad va baxt keltiradi.

Alisher Navoiy ota-ona haqida (« Hayratul - abror »dan)

Biri erur makrumati volidayn,

Bilki muni qilmog'idur farzi ayn.

Boshni fido ayla ato qoshig'a,

Jismni sadqa qil ano boshig'a.

Ikki jahoningga tilarsan fazo,

Hosil et ushbu ikkisidin rizo.