Mavzu: Nomoliyaviy aktivlar Reja

O‘ZBEKISTON RESPUBLIKASI MOLIYA VAZIRINING BUDJET TASHKILOTLARIDA BUXGALTERIYA HISOBI TO‘G‘RISIDAGI YO‘RIQNOMANI TASDIQLASH HAQIDA buyrug`ida nomoliyaviy aktivlarga toliq qonuniy izoh berib o`tilgan bolib bu hujjat O‘zbekiston Respublikasi Adliya vazirligi tomonidan 2010-yil 22-dekabrda 2169 raqami ostida ro‘yxatdan o‘tkazilgan va bu buyruqqa asosan yo`riqnoma ham tuzilgan. Bu yo`riqnomani O‘zbekiston Respublikasining “Buxgalteriya hisobi to‘g‘risida” gi qonuniga muvofiq budjet tashkilotlarida buxgalteriya hisobini yuritishni tartibga soladi.
Mazkur yo`riqnomaning birinchi bo`limi Buxgalteriya hisobini tash qilish bilan bog`liq. Budjet tashkilotlarida budjet va budjetdan tashqari mablag‘lar bo‘yicha buxgalteriya hisobini O‘zbekiston Respublikasining “Buxgalteriya hisobi to‘g‘risida” gi Qonuniga, ushbu Yo‘riqnomaga va boshqa normativ-huquqiy hujjatlarga muvofiq tashkil qiladilar. Tashkilotlarda buxgalteriya hisobi mazkur Yo‘riqnomaga muvofiq buxgalteriya hisobi yuritishning memorial order shaklida olib boriladi. Vazirliklar, davlat qo‘mitalari va idoralari, shuningdek, ularning tizimidagi tashkilotlar O‘zbekiston Respublikasi Moliya vazirligi bilan kelishgan holda buxgalteriya hisobi yuritishning jurnal-order shaklida olib borishlari mumkin. Birinchi bo`lim shu kabi jami 56 ta kichik abzatslardan iborat.
Tashkilot bosh hisobchisi bevosita mazkur tashkilot rahbariga, buxgalteriya hisobini yuritish, hisobotlarni tuzish va taqdim qilish masalalari bo‘yicha esa, agar qonunchilikda boshqacha qoidalar nazarda tutilmagan bo‘lsa, yuqori tashkilot bosh hisobchisiga ham bo‘ysunadi hamda tashkilotda buxgalteriya hisobini yuritilishiga, moliyaviy hisobotlarni o‘z vaqtida va to‘liq topshirilishiga hamda ushbu Yo‘riqnoma, shuningdek, boshqa normativ-huquqiy hujjatlarda belgilangan vazifalarning bajarilishiga javobgar bo‘ladi.
Bosh hisobchi buxgalteriya xodimlari uchun xizmat vazifalarini har bir xodim uchun alohida belgilaydi. Buxgalteriyada xizmat vazifalari funksional belgilarga qarab taqsimlanadi, ya’ni xodimlarning har bir guruhiga yoki alohida bir xodimga ishning hajmiga qarab, ma’lum bir soha biriktiriladi.