Mavzu: Mutaxassislik fanlarini o`qitish jarayonida talabalarning bilim,ko`nikma va malakalarini baholashning reyting tizimi

Mavzu:Mutaxassislik fanlarini o`qitish jarayonida talabalarning bilim,ko`nikma va malakalarini baholashning reyting tizimi.
Reja
1.Talabalar bilimini baholash turlari va shakllari
2.Talabalar bilimini baholash tartibi
3.Reyting tizimining baholashda yozma bosqichlardan foydalanish
4.Yakuniy davlat attestatsiyasini o`tkazish tartibi
5.Kredit modul tizimi.
Tayanch so`zlar:baholash,yozma ish,oraliq nazorat,joriy nazorat,yakuniy nazorat, attestatsiya,kredit-modul.
Oliy va o`rta maxsus ta’lim vazirligi tomonidan Oliy ta’lim muassasalarida bakalavr bilimini nazorat qilish va baholashning reyting tizimini ishlab chiqilgan bo’lib,oliy ta’lim tizimida talabalar bilimini baholashda me’yoriy hujjatlar qabul qilingan.Talabalar bilimini reyting tizim orqali baholashdan maqsad,talabalarda o`qitilayotgan fanlarni chuqur egallash,topshiriqlarga ijodiy yondashish,mustaqil fikrlash,o’z bilimini muntazam oshirib borishga intilish hamda adabiyotlardan keng foydalanish kabi xususiyatlarini rivojlantirish va raqobatdosh mutaxassislarni tayyorlashga erishishdan iborat.
Reyting tizim quyidagi vazifalarni bajarishga qaratilgan:
— talabalar о‘zlashtirishini muntazam ravishda nazorat etib borish, ularni semestr (о‘quv yili) davomida о‘z ustilarida uzluksiz faol ishlashlarini ta’minlash;
— talabalar bilimini haqqoniy,aniq va adolatli baholash hamda natijalarini ularga muntazam ravishda ma’lum qilish;
— talabalarda mustaqil ishlash kо‘nikmalarini keng rivojlantirish;
— professor-о‘qituvchilarda ma’ruza va amaliy mashg‘ulotlarga puxta tayyorgarlik kо‘rish, baholash savollarini tuzishda mas’uliyatini oshirish.
Fan bо‘yicha maksimal reyting bali, о‘quv rejasida aynan shu fanga ajratilgan soatlar miqdori bilan belgilanadi.
Talaba bilimini baholashda, avval uning о‘zlashtirish kо‘rsatgichi aniqlanadi, sо‘ng dars soatlari miqdoriga muvofiq, uning fan bо‘yicha reytingi hisoblab topiladi.
1.Baholash turlari va shakllari
Talabaning fan bо‘yicha о‘zlashtirishini baholash semestr (о‘quv yili) davomida muntazam ravishda olib boriladi va quyidagi turlar orqali amalga oshiriladi:
— joriy baholash (JB);
— oraliq baholash (OB);
— yakuniy baholash (YAB).
JB da fanning xar bir mavzusi bо‘yicha talabaning bilim darajasini (о‘zlashtirishini) aniqlab borish nazarda tutiladi va u odatda, amaliy mashg‘ulotlar (seminar yoki laboratoriya ishlari) darslarida amalga oshirilishi mumkin.
OB da fanning bir necha mavzularini qamrab olgan bо‘lim yoki qism bо‘yicha nazariy mashg‘ulotlar о‘tib bо‘lingandan sо‘ng, talabaning nazariy bilimlari baholanadi va unda talabaning muayyan savol yoki muammoni yechish maxorati va qobiliyati aniqlanadi.
YAB da fanning semestr (о‘quv yili) davomida о‘tilgan hajmi doirasida talabaning bilimi baholanadi. YAB turiga ajratilgan ballar miqdori, о‘quv rejasida fanga semestr (о‘quv yili) uchun ajratilgan soatning 30%; miqdorida belgilanadi, fan bо‘yicha JB va OB turlarida talaba tо‘plashi mumkin bо‘lgan maksimal reyting balning miqdori, о‘quv rejasida fanga semestr (о‘quv yili) uchun ajratilgan soatning 70% miqdorida belgilanadi, Oliy ta’lim muassasalariga о‘z xususiyatlaridan kelib chiqib, JB va OB turlarining foizlarimi belgilash huquqi beriladi