Mavzu: Mustaqillik va ona tili haqida suhbat

IV. Darsda o’tilganlarni umumlashtirish.— Tutuq belgisi so’zda qanday vazifani bajaradi?
7. Test. “So’z o’yini”
Tutuq belgisi so’z ma’nosini farqlash uchun xizmat qilgan so’zlarni toping:
a) sa’va, qal’a, da’vo; b) she’r, in’om, Ra’no; d) ta’na, ma’no, sa’va; e) da’vo, she’r, ma’no.
V.O’quvchilarni rag’batlantirish.
VI. Uyga vazifa 117-mashq. O’quvchilar she’rni o’qiydilar. Ma’nosiga tushunmagan so’zlarini aniqlaydilar.
Lug’at ishi: Mir Alisher — Alisher Navoiy; na’ra — vahimali, qattiq ovoz; she’riyat — nazmda yaratilgan asarlar, majmua, poeziya; o ‘zbegim — o’zbek xalqim.She’r necha misradan iborat? (4 misradan iborat.) She’r necha gapdan iborat? (2 gapdan iborat.) She’rning mazmunini tushuntiring. Erkin Vohidovning qaysi she’rlarini o’qigansiz?
Uyda: She’rni husnixat bilan ko’chiring. Tutuq belgili so’zlarni ko’chirish qoidasiga mos holda bo’g’inlarga bo’lib yozing.


Sana:__________________________
Mavzu: 4- nazorat ishi. Bayon. To’g’rilik
Maqsad: o’quvchilar bilimini tekshirish, baholash.
Darsning uslubi: nazorat ishi
Nazorat shakli: bayon.
Darsning borishi:

4. 
   Tashkiliy qism:
   

Salomlashish;
Davomatni aniqlash;
Darsga tayyorgarlik ko’rish;
Darsning maqsadini aytish.
II. Bayon mazmuni.
TAYYOR REJA ASOSIDA TO’LIQ BAYON YOZISH
To’g’rilik
Qadim zamonda bir podsho saroy qurdirmoqchi bo’libdi. U ustalarni chaqirib, maqsadini aytibdi.
Ustalar shahar va qishloqlardan to’g’ri o’sgan daraxtlarni qidirishibdi.
Oxiri yolg’iz yashovchi bir kampirning hovlisidagi to’g’ri o’sgan terakni tanlashibdi. Ular kampirga tillo tangalar berib, terakni kesib olib ketishibdi. Hunarmandlar terakdan ustun tayyorlabdilar. Uni saroyning o’rtasiga o’rnatibdilar. Ustunni naqshlar bilan bezabdilar. U saroy chiroyini ochib yuboribdi.
Odamlar saroyni ko’rgani kelishibdi. Terak to’g’ri o’sgani uchun chiroyli bezanib, odamlar e’tiborini o’ziga tortibdi va izzat-ikromga erishibdi. (75 so’z)
Tahlil: Podsho nima qilmoqchi bo’libdi? Ustalar nima qilibdilar? Nima saroy chiroyini yana ham ochib yuboribdi? Nima uchun terak izzat-ikromga erishibdi?
Reja:
1. Podsho saroy qurdirmoqchi bo’libdi.
2. To’g’ri o’sgan terak.
3. Ustun saroy chiroyini ochib yuboribdi.
4. Terak izzat-ikromga erishibdi.
Tayanch so’zlar: huzuriga, hunarmand, naqshlar, e’tiborini, izzat-ikrom.
Matndagi huzuriga, tillo tangalar, naqshlar, izzat-ikrom so’zlari o’rnida qanday so’zlarni ishlatish mumkin?
Uyga vazifa: takrorlash.