Mavzu: Mustaqillik va ona tili haqida suhbat

VI.Darsda o’tilganlarni yakunlash. Rag’batlantirish
Test o’tkazish.Qatordagi bo’g’in ko’chirishga ko’ra bo’laklarga bo’linmaydigan so’zlarni belgilang.
a) nafas, aniq, rost; b) ikki, o’qing, yozing;
d) oson, aniq, ochiq; e) ochiq, ayol, murod.
Sana:__________________________
Darsning maqsadi: a) o’quvchilarning so’zlarni bo’g’in ko’chirish qoidasiga muvofiq bo’laklarga bo’lish ko’nikmasini mustahkamlash, ularga ng harf birikmali so’zlarning yozilishi, bo’g’inga bo’linish qoidalarini eslatish. O’quvchilarning lug’atini sabzavot, dorivor, istirohat bog’I, Bobil, samoviy bog’, hukmdor so’zlari bilan boyitish; b) o’quvchilarni oila, uning a’zolariga hurmat bilan munosabatda bo’lishga odatlantirish. Ularni yon-atrofni ko’kalamzorlashtirishda hissalarini qo’shishga undash.
Darsning turi: mustahkamlovchi dars.
Darsning metodi: suhbat metodi.
Dars jihozi: oila a’zolari tasvirlangan surat.
Darsning borishi:
I.Tashkiliy qism:salomlashish, davomatni aniqlash.
II.Uyga berilgan 109- mashqning qanday bajarilganini tekshirish. Topishmoqlar maqsadga ko’ra qanday gaplardan tuzilgan?
— Xabar mazmunini ifodalaydigan gaplar qanday gap deyiladi? (Darak gap deyiladi.)
— Ayting, bilsangiz aniq gapi maqsadiga ko’ra qanday gap? Izohlang. (Buyruq gap, chunki bu gap buyurish ohangida aytiladi.)
— Ajratilgan so’zlarning qaysilari bo’g’in ko’chirishga ko’ra bo’laklarga bo’linmaydi? (ochiq, oson, oti, aniq so’zlari bo’laklarga bo’linmaydi.)
— Nima uchun? (Chunki bo’g’in ko’chirish qoidasiga ko’ra bir unli tovush o’zi bir qatorda qolmaydi.)
— Qolgan so’zlarni bo’g’inlarga bo’lib ayting (ya –shay, olol-may-di, bil-san-giz.)
2. Rasm diktant. Doskaga oila a’zolari tasvirlangan surat osib qo’yiladi. O’quvchilarga suratdagi kishilarni bildiruvchi so’zlarni bo’g’inga bo’lib yozish topshiriladi.

O-ta, o-na, a-ka, u-ka, o-pa, bu-va, bu-vi, si-ngil. O’quvchilar diktantni yozib bo’lgach, o’qituvchi so’zlarni doskaga yozadi. O’quvchilar doskaga qarab yozganlarini tekshiradilar.

— Diktantdagi so’zlar necha bo’g’inli? (2 bo’g’inli.)
— Qaysi so’zlar bo’g’in ko’chirishga ko’ra bo’laklarga ajratilmaydi (ota, ona, aka, uka, opa so’zlari bo’laklarga ajralmaydi.)
— Oila deganda kimlarni tushunasiz?
— Ota va onangizga siz qanday murojaat qilasiz?
— Akangiz, ukangiz bilan qanday gaplashasiz?
— Uyning ulug’I kimlar?
— ,,0’zaro hurmat” degan so’zning ma’nosini kirn tushuntirib beradi?