Mavzu: Mustaqillik va ona tili haqida suhbat

Darsning borishi:I.Tashkiliy qism.davomatni aniqlash. Davomatni aniqlash
II.O’tilgan mavzuni mustahkamlash.
“Aqliy hujum” mashqi:
I guruh
1. O’zak nima?
2. so’z yasovchi qo’shimchalar qaysilar?
3. Og’zaki nutqning eng kichik, boshqa mayda bo’lakka bo’linmaydigan qismi nima deyiladi?
4. Tovushning yozuvdagi ifodasiga nima deyiladi?
5. Ikki harf bir tovushni ifodalashi mumkinmi?
6. Tilimizda nechta unli tovush bor?
7. Tilimizda nechta undosh tovush bor?
8. O’pkadan kelayotgan havo og’iz bo’shlig’ida to’siqqa uchramasa, qanday tovushlar hosil bo’ladi?
9. To’siqqa uchrasa-chi?
II guruh
1. Nutq nima?
2. Unli tovushlarni ayting?
3. Jarangli undoshlarni ayting?
4. So’z turkumlari qaysilar?
5. Ot deb nimaga aytiladi?
6. son nimani bildiradi?
7. Burun tovushlarini aytib bering.
8. Bo’g’iz tovushi qaysi?
9. Alifbo deb nimaga aytiladi?
II. Guruhlarda ishlash: Har bir guruhga quyidagicha topshiriqlar beriladi:
I guruh: Quyida berilgan so’zlardan foydalanib, rasm asosida suhbatlashing.


Foydalanish uchun so’zlar: sinfdoshlar, ahil, sinf o’quvchilari, birinchi, sinfdan, birga, mehribon, sinf rahbari, yordamlashmoq.
Namuna: Biz birinchi sinfdan birga o’qiymiz.
II guruh:
168- mashq. O’qing. Egalik qo’shimchalarini olgan otlarni aniqlab, o’zagini belgilang. O’zakning qaysi tovush bilan tugaganini ayting.

1. 
   Mol-u davlatingiz bilan emas, ilm-u hunaringiz, go’zal xulq-atvoringiz bilan iftixor qiling. (Abuyazid Hakim) 2. Odam bolasi — elning bolasi. 3. Ra’noga buvisining boychechak haqidagi ashulasi yoqib qoldi:
   

Boychechakning bolasi, Qulog’ida donasi. Donasini olay desak, Yugurib chiqdi onasi.
Ko’chiring. Egalik qo’shimchasi undoshdan so’ng qo’shilgan otlarning tagiga bir, unlidan so’ng qo’shilgan otlarning tagiga ikki chiziq chizing.
Undosh tovush bilan tugagan otlarga egalik qo’shimchalari qanday shaklda qo’shiladi? Unli tovushlar bilan tugagan so’zlarga-chi?
Egalik qo’shimchalari otlarga quyidagicha qo’shiladi: unli tovushdan so’ng –m, -ng, -si; -miz, -ngiz,
-(lar)i shaklida;
undosh tovushdan so’ng: -im, -ing, -i; -imiz, -ingiz,
-(lar)i shaklida.