Mavzu: Mustaqillik va ona tili haqida suhbat

V.Darsni yakunlash.
VI.Uyga 164- mashq beriladi.
Lug‘at ishi. Poy — (oyoq tojikcha so‘z); xok — tuproq, loy. Suruv — qo‘ylarning podasi.
Mashq sharti mustaqil ravishda bajartiriladi. O’quvchilar so’roqlar yordamida otlarni aniqlab, egalik qo’shimchalarining tagiga chizadilar. Qavs ichida shaxsini yozadilar.


Sana:__________________________________
MAVZU: Otlarning egalik qo'shimchalari bilan qo'llanishi 165-167- mashqlar.
Darsning maqsadi: a) o'quvchilarga egalik qo'shimchalarini olgan otlar imlosini o'rgatish.
b) o'quvchilarni kattalarga hurmat, kichiklarga izzat ko'rsatish ruhida tarbiyalash.
d)Ularni meh-natsevarlik, o'zgalar mehnatini qadrlashga o'rgatish.
Darsning turi: yangi bilim beruvchi.
Darsning metodi: muammoli metod.
Darsning jihozlari: narsa rasmlari.
Darsning borishi:I.Tashkiliy qism.davomatni aniqlash. Davomatni aniqlash
II. O'tilgan mavzu—otlarning egalik qo'shimchalari bilan qo'llanishi yuzasidan o'quvchilar bilimi savollar yordamida aniqlanadi. Uyga berilgan mashq o'qitiladi.
Egalik qo’shimchalari haqida savol- javob qilinadi. So’ngra xulosa qilinadi.
-m, -im, -ng, -ing, -si, -i, -miz, -imiz, -ngiz, -ingiz, -(lar)i — egalik qo'shimchalaridir.
Egalik qo'shimchalari shaxs va narsa-buyumlarning qaysi shaxsga qarashliligini bildiradi.
Kitobim so'zidagi -im qo'shimchasi kitobning qaysi shaxsga tegishliligini bildiryapti? -ing, -i qo'shimchalari-chi?
Tilda 3 ta shaxs bor:
I shaxs — so'zlovchi.
II shaxs — tinglovchi.
III shaxs — o'zga.
-m, -im, -miz, -imiz —I shaxs; -ng, -ing, -ngiz, -ingiz— II shaxs; -i, -si, -(lar)i — III shaxs egalik qo'shimchalaridir.
III. Yangi mavzu bayoni.
165- mashq. She'rni ko'chirib yozing.
1. Oq paxtaday sochingiz,
Omon bo'lsin boshingiz,
Ayta qoling, buvijon,
Hozir necha yoshingiz.
So'zlaringiz ko'p qiziq,
Yuzingiz nega chiziq?
Achomlasam, buvijon,
Bag'ringiz muncha issiq? Po'lat Mo'min
2. O'smirlar davlatimiz,
Keksalar savlatimiz. Quddus Muhammadiy
Egalik qo'shimchalarini olgan otlarni aniqlang. O'zak va qo'shimchalarni tegishlicha belgilang. Ikkinchi she'rning ma'nosini tushuntiring. Davlat so'zi qanday ma'noda qo'llangan?
-imiz, -miz, -ingiz, -ngiz, -(lar)i — egalik qo'shimchalari ko`pchilik ma`nosini bildiradi