Mavzu: makro iqtisodiyot

Iqtisodiy o’yin: Davlat moliyasi
O’yinning maqsadi: davlat sektorida bozor yoki davlat ma’muriy mexanizmi yordamida resurslarni taqsimlash bo’yicha echimlar qabul qilinishi jarayoni mohiyatini chuqurroq anglab etishdir.
Topshiriq: o’yin ishtirokchilari quyida ro’yxati keltirib o’tilgan davlat loyihalarining muhimlik darajasidan kelib chiqqan holda, loyihalarni ro’yobga chiqarish uchun qayta ro’yxat tuzib chiqishlari lozim.
O’yin sharti: auditoriya o’yin davomida bir necha kichik guruhlarga bo’lingan holda ishtirok etadi. har bir kichik guruh 10 mln AQSH dollari miqdorida mablag’ga ega. Ushbu mablag’lar guruh fikricha eng ma’qul bo’lgan loyihaga sarflanishi lozim. Faqatgina naqd bo’lgan mablag’, ya’ni 10 mln AQSh dollari loyihlarni amalga oshirish uchun sarflanishi lozim. Loyihalarni amalga oshirish natijasida, keyingi yillarda olinishi rejalashtirilgan mablag’lar ushbu yilda sarflanishi mumkin emas. O’yin ishtirokchilari loyihalarni moliyalashtirish uchun hamma mablag’ni o’z xohishlaridan kelib chiqqan holda sarflamasliklari ham mumkin, biroq ular mavjud byudjet bilan cheklanishga majburlar, ya’ni 10 mln AQSh dollaridan ortiqcha mablag’ sarf qila olmaydilar.