Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

Klinikasi. Bemorning umumiy ahvoli birdaniga yomonlasha-di, ko'krakda og'riq turadi, yurak tez-tez ura boshlaydi, nafas qisishi kuzatiladi. Bemor majburiy vaziyatni egallaydi, cho'kkalab yoki yarim o'tirib oladi, yohud tizza va tirsaklariga tayanib turib qoladi. Harorat, leykotsitoz va ECHTning oshishi kuzatiladi. Ko'pincha yurak zarbi sezilmaydi. Yurakning auskultativ tonlari bo'g'iq, onda-sonda perikardning ishqalanish. ovozi (shovqini) eshitiladi. Rentgenologik tekshirilganda yurakning bo'shashib, qis-qarishi va yurak ko'lankasi sezilarli darajada kattalashgani aniqla-nadi. Yurakning hamma sohalarida EKG voltajining rosmana pasaygani kuzatiladi. Mavhum hollarda kompyuterli tomografiya yordamida kerakli ma'lumotlar olinadi.

Yiringli perikarditni o'tkir plevritdan, mediastinit, revmatik miokardit, ko'ks oralig'i shishidan, tug'ma va orttirilgan yurak nuqsonlaridan farq qila bilish kerak.

Davosi. Perikard bo'shlig'ini punksiya qilish muhim davolash usuli hisoblanadi. Perikardning plevradan tashqari qismida, xanjarsimon o'simta ostida punksiya qilish yo'li bilan suyuqlik olib tashlanadi va perikard bo'shlig'i yuviladi, antibiotiklar yuboriladi va yupqa polixlorvinil kateterli doimiy aspiratsiya qo'yiladi.

Bemorning umumiy ahvoli yomonlashganda operatsiya — perikadiotomiya qilinadi. U perikard bo'shlig'ini plevra ortida keng drenaj qilish bilan tugaydi. Agar fibrin ko'p bo'lsa va kuchli tortmalar rivojlanadigan bo'lsa, bu holda yopishqoq perikardit paydo bo'ladi va pansir yurak deb ataluvchi holat rivojlanadi. Bunda perikardni rezeksiya qilgan, ya'ni perikard ektomiya bajargan ma'qul.