Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

Panaritsiy (hasmol). Barmoqlarning yiringli yallig'lanishi. Infeksiya (stafilakokk, streptokokk, aralash flora)ning kirish yo'li yoriqlari, tirnalish, zirapchadan, shu kabilar sabab bo'ladi. Yallig'lanishning joylashishiga va kasallikning bosqichiga ko'ra panaritsiyning quyidagi turlari bo'ladi:

Klinikasi panaritsiyning turiga bog'liq. Teri turida joyli giperemiya sohasi og'riq, terining sal shishishi kuzatiladi.

Teri osti turida barmoq shish hisobiga birmuncha kattalash-gan, unda harakatlar cheklangan, qattiq lo'qillovchi og'riq bo'ladi, og'riq sababli bemorlar kechalari uxlay olmaydi. Haroratning ko'tarilishi, leykotsitoz qayd qilinadi.

Panaritsiyning suyak turida kasallikning ilk bosqichida klinikasi teri osti turidagi kabi bo'ladi. Keyinchalik yallig'langan barmoq kolbasimon shaklda kattalashadi. Rentgenologik tekshiruvda suyakda destruktiv o'zgarishlar ko'rinadi.

Bo'g'im turida bo'g'im duksimon shaklga kiradi, teri qizarishi paydo bo'ladi. Boylam apparati yallig'langanda patologik harakatchanlik vujudga keladi.

Pay turida barmoq shishgan, yarim bukilgan, pay yo'li bo'ylab kuchli og'riq qayd qilinadi (tugmachasimon zond bilan tekshiriladi). Barmoqni yozishga urinilganda og'riq kuchayadi.

Paronixiyada tirnoq milki shishgan, qizargan, og'riydigan bo'ladi. Kechikkan bosqichida barmoq milkini bosilganda uning ostidan yiring chiqadi.

Tirnoq osti panaritsiyda tirnoq falangasi sohasida qattiq og'riq bo'ladi, tirnoq tagida yiringli suyuqlik ko'rinadi.

Pandaktilitda butun bamoq yiringli yallig'lanadi, yiringli oqmalar paydo bo'ladi, barmoq shakli o'zgaradi, u kattalashadi, shishadi, terisi qalinlashadi va zichlashadi, barmoqda harakatlar bo'lmaydi.