Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

O'pka abssessi. O'pka abssessi deganda o'pka to'qimasining yiringli irishi tushuniladi. Shikast oqibatida o'pka to'qimasiga qon quyilishi, yuqori nafas yo'llaridagi yot jismlar, o'pkaning yallig'lanib abssess hosil qilishi, infeksiyaning yiringlagan joydan boshqa sohalarga ko'chib o'tishi o'pka abssessiga sabab bo'ladi. Yakka va ko'p sonli abssesslar uchraydi.

Klinik manzarasi. Abssess boshlanayotganda bemor lohas bo'ladi eti uvishadi. Yo'tal tutadi. Harorat anchagina ko'tariladi va ko'krak qafasining tegishli sohasida og'riq qayd qilinadi. Qonda leykotsitoz va formulaning chapga surilishi kuzatiladi. Abssess bronxga yorilganda (ikkinchi fazasi) ko'p miqdorda yiring ajralib chiqadi. Kasallikning boshlang'ich davrida abssess sohasida perkutor tovushning bo'g'iqligi qayd qilinadi, u yoril­ganda va yiringi chiqib ketganda pastroq timpanik joy yoril-gandan so'ng yallig'lanish surunkali tus olishi mumkin.

Kasallikning boshlang'ich bosqichida rentgenologik tekshi-ruvda aniq chegarasi bo'lmagan gomogen soyalar, abssesslar bronxga yorilganda suyuqlikning gorizontal sathi bo'lgan bo'shliq aniqlanadi.

Davosi. Birinchi galda konservativ davo o'tkazish tavsiya etiladi: umumiy antibiotiklar va sulfanilamid terapiya, antibiotiklarni bronxial shok orqali abssess sohasiga quyish qo'llaniladi. Ikkinchi fazasida bronxoskopiyada yiringli suyuqlik tortib olinib, antibio­tiklar, fermentlar quyiladi. Intoksikatsiya aniq yuzaga chiqqanda dezintoksikatsion terapiya olib boriladi: qon, plazma, qon o'rni-ni bosadigan suyuqliklar quyiladi. Yuqori kaloriyali ovqatlar buyuriladi. Abssessning drenaj yo'li bo'lganda balg'amning yaxshi ajralib chiqishi uchun sharoit yaratish zarur.

Konservativ davo naf bermagan o'tkir abssesslarda hamda o'pkaning surunkali abssessida operatsiya qilib davolash — o'pka to'qimasidagi yallig'lanishning joylanishiga va holatiga ko'ra lobektomiya yoki pulmonektorniya qilish tavsiya etiladi.