Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

i- Osteomiyelit. Suyak ko'migining yallig'lanishi. Qo'zg'atuv-chilari: stafilakokk, streptokokk va boshqa mikroorganizmlardir. Infeksiya ko'mikka biror yallig'lanish o'chog'idan gematogen yo'l bilan (gematogen yoki birlamchi osteomiyelit) yoki jarohatlanishda yiringli jarohat sohasidan (travmatik yoki ikkilamchi osteomiyelit) o'tishi mumkin.

Gematogen osteomiyelit katta boldir suyagi, son suyagining pastki uchidan bir qismi va yelka suyagidan ko'proq uchraydi.

Ko'mik kanaliga tushadigan infeksiya ko'mikni o'tkir yallig'lantiradi, keyin u yiringlab iriydi. Ko'mik kanalidagi yiring Gaveris kanallaridan suyak orqali o'tib, suyak usti pardasi ostida to'planadi. Ayni vaqtda suyak moddasi zararlanadi, suyak tomirlariga tromb tiqiladi, bu suyak to'qimalarining nekroziga sabab bo'ladi. Suyakning yiringli-nekrotik qismi (sekvestr) sog'lom qismidan granulyatsion to'siq bilan chegaralanadi, bu — sekvestrni o'rab turgan bo'shliq (sekvestr qutisi) hosil bo'lishiga olib keladi. Suyak usti pardasi zararlangan taqdirda yiringli suyuqlik atrofidagi to'qimalarga tarqalib, osteomiyelit flegmonasini hosil qiladi. Yiringli joy o'z-o'zidan yorilishi mumkin va yiringli oqmalar paydo bo'ladi.