Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

O'pka gangrenasi. Gangrena o'pka abssessidan farqli ravishda o'pka to'qimasida yallig'lanish plevrani ham egallab, chegaralanmagan holda tarqalishi bilan ta'riflanadi. Gistologik tekshiruvda leykotsitar infiltratsiyasi bo'lmagan va yiringli parchalangan o'tkir nekroz manzarasi qayd qilinadi.

Klinik manzarasi. Kasallik boshlanayotganda o'pka abssessi­dan kam farq qiladi. Keyinchalik ko'krak qafasda kuchli og'riq paydo bo'ladi, og'izdan badbo'y hid keladi. Chiqayotgan hidning qo'llansaligidan boshqa bemorlar bu palatada tura

olmaydi. Bundaybemornialohidajoylashtirmoq zarur. Harorati juda baland bo'ladi. Balg'ami zang rang bo'lib, saqlab qo'yilganda uch qatlamga bo'linadi. Perkussiyada gangrena sohasida to'mtoq tovush, auskultativ tekshiruvda bar xil turdagi nam xirillagan tovushlar aniqlanadi.

Davosi. Kuchli antibiotikoterapiya olib boriladi. Bronxoskopiya qilib, yiringli suyuqlikni tortib olish va antibiotiklarni mahalliy yuborishdan foydalanish mumkin. Oqsillar va vitaminlarga boy yuqori kaloriyali ovqatlar buyuriladi. Qon va oqsilli gidrolizatlar quyish tavsiya etiladi. Konservativ terapiya yaxshi natija bermaganda 2—3 hafta o'tgach, operatsion davo — pulmonektorniya qilinadi.