Мавзу: Локал компьютер тармоқлари

Файл-серверга қўйиладиган талаблар

Марказлаштирилган бошқарувга эга локал тармоқда асосий ролни ажратилган сервер ўйнайди. У файл-сервер, босиш сервери ва маълумотлар базаси сервери каби вазифаларни бажаради.

Nоvell ЛҲТнинг асосий ресурси файл-сервер ҳисобланади. Унга тармоқ операцион тизими, маълумотлар базаси ва фойдаланувчиларнинг амалий дастури жойлаштирилади. Файл-сервер тармоқда энг кучли компьютер бўлиши керак. Чунки тармоқнинг умумий унумдорлиги ва иш имкониятлари унга боғлиқ.
Файл-серверни амалга ошириш учун камида 8 Мбайт ҳажмли оператив хотирага эга шахсий компьютер керак бўлади. Умуман олганда оператив хотира ҳажми 16-32 Мбайт бўлгани яхши (тармоқни кучайтириш имкониятини ҳисобга олган ҳолда).
Файл-сервернинг ишлаши қанчалик ишончлилиги барча тармоқдаги ишлаш ишончи белгилашини назарда тутган ҳолда, қаттиқ дискка ахборот тўплаб қолишидан тортиб, йўқотишгача бўлган махсус ҳимоя чораларини кўриш керак. Шундай чоралардан бири дискнинг кўзгули акс этишидир. +аттиқ диск назоратчисига дисковод уланади ва ахборот икки дискка бир вақтда ёзилади. Бунда дисклардан бири ишламай қолса, иккинчи дискка автоматик равишда ўтилади. Лекин бу усул ҳам назоратчининг ишдан чиқиши олдини ололмайди. Катта ишончлилик дисклар дублланишини (галма-гал ишлашини) таъминлайди. Бундай ҳолларда файл-серверда иккита назоратчи ўрнатилиб, уларнинг ҳар бири ўз дискига хизмат қилади. Шу орқали қаттиқ дискда иккита мустақил ёзиш канали ташкил этилади. Ахборотлар ҳар икки дискда такрорланади. Шунинг учун битта назорат қурилмаси ишдан чиққанда, иккинчиси ишлаб кетади. Иккита дискнинг бирданига ишдан чиқиш эҳтимоли жуда кам.
Шунингдек, битта тармоқ сегмент таркибига иккита файл-серверни қўшиш усулидан ҳам фойдаланилади. Бундан ташқари файл-серверлар узлуксиз қувват манбаига уланади.
Локал ҳисоблаш тармоғининг зарур ресурсларига тармоқли босиш вазифасини таúминловчи принтер ҳам киради. Бунинг учун алоҳида компьютердан фойдаланиш ёки босиш вазифасини файл-сервер вазифаси билан қўшиш мумкин.