Мавзу: Локал компьютер тармоқлари

Ишчи станцияларга талаблар
Ишчи станциялар вазифасини бажарувчи компьютер унинг барча амалий вазифаларини ҳал этиш имкониятини таúминлаши лозим.
Агар ишчи станция фақат тармоқли режимда ишлашга мўлжалланган бўлса, амалда унга на винчестер, на эгилувчан дискетанинг кераги йўқ. Дисксиз ишчи станцияларидан фойдаланиш имконияти пайдо бўлмоқда. Бундай станцияларда операцион тизим ишчи станциянинг тармоқ платасига ўрнатилган доимий хотира қурилмаси билан бошқариладиган файл-сервердан масофадан туриб (дистанцион) юкланади.
Дисксиз ишчи станциялар дискли ишчи станцияларга қараганда арзон. Дисксиз ишчи станцияда ишлаганда тармоққа вирус кириб қолиш эҳтимоли йўқ. Айни пайтда дисксиз ишчи станция базасига қурилган локал ҳисоблаш тармоғида файл-серверга ортиқча юкланиш тушади ва автоном режимдаги станцияда ишлаш имконияти бўлмайди. Табиийки, ишчи станцияларига бўлган талаб файл-серверга қараганда анча кам. 8-16 Мбайт ҳажмли хотира ва 650 Мбайт ҳажмга эга винчестер кўпгина фойдаланувчиларни қониқтиради.
NETWARE тармоқ операцион тизимининг таърифи ва вазифаси.
NETWARE тармоқ операцион тизимини модули файл-серверда ва ишчи станцияларда жойлашадиган қилиб тақсимланган операцион тизим деб тушуниш мумкин.
Nоvell ЛҲТнинг дастурий структураси қуйидаги компонентларни ўз ичига олади: NetWare тармоқ операцион тизими ядроси, тармоқ утилитлари, ишчи станцияларнинг тармоқ қобиқлари.
NetWare тармоқ операцион тизимининг ядроси файл-серверда жойлашган бўлади. Тармоқ утилити эса файл-сервер хотирасида бўлади, аммо ишчи станцияларга юборилади. Ниҳоят, ишчи станцияларнинг тармоқ қобиғи компьютер тармоғининг ишчи станцияларига юкланади ва фаолият кўрсатади. NetWare операцион тизими мултивазифали (кўп вазифали) операцион тармоқни ифодалайди. У марказлашган бошқарувли локал тармоқда ишлашга мўлжалланган. NetWareда бир ёки бир неча файл-серверлар тармоғида ишлаш имконияти мавжуд. Ривожланиш жараёнида бир қанча тахминлар ишлаб чиқилган.