Мавзу: Кириш

Кредит карточкаси – бу банк ёки махсус кредит (савдо) муассаси томонидан бир киши номига берилган пул ҳужжати бўлиб, унда пул эгаси ҳисобидаги сумма кўрсатилади. Бу кредит карточкаси ўз эгасига чакана савдо тармоқларида нақд пулсиз товарлар ва хизматлар ҳарид қилиш ҳуқуқини беради. Кредит карточкасига биноан ҳаридор ҳисобидаги пул суммаси унинг ихтиёридан олиниб, товар сотган корхона ҳисобига ўтказилади.
Дастлабки Кредит карточкалари ХХ аср бошларида АҚШ да қўлланила бошланган. Ҳозирда жаҳондаги аксарият мамлакатларда, шу жумладан, Ўзбекистонда ҳам жорий этилмоқда.
Банклар фаолиятида электрон ҳисоблаш машиналарининг кўлланилиши электрон пуллардан фойланиш имкониятини берди.


Электрон пул - электрон карточка бўлиб, унинг хотирасига эгасининг ҳисобидаги пул суммаси ёзилган бўлади. Пул тўлаш учун электрон карточка ЭҲМ га киритилади, карточкадан автоматик равишда тўланиши зарур бўлган пул суммаси ўчирилади ва бу сумма пул олувчи электрон ҳисобига ёзиб қўйилади.
Ҳозир Ўзбекистонда фаолият кўрсатаётган қатор тижорат банклари ўз амалиётларида электрон карточкалардан фойдаланишмоқда: Шунингдек, аҳолига тўловларни амалга оширишда қулайликлар яратиш ва пул муомаласи барқарорлигини янада мустахкамлаш мақсадида дебет пластик карточкалари муомаласи йўлга қўйилди. Ушбу жараён 2002 йил августидан бошланган эди.
Пластик карточкалардан фойдаланишни ривожлантириш орқали банк тизимида аҳолига кўрсатилаётган замонавий банк хизматлари турларини кенгайтириш, нақд пулсиз ҳисоб-китоблар тизимини кенг жорий этиш бўйича аниқ чора-тадбирлар кўриб борилмоқда.
Амалга оширилган ишлар натижасида, бугунги кунга келиб, 2011 йил 1 июль ҳолатига банклар томонидан 7,8 млн.дан зиёд пластик карточкалар муомалага чиқарилиб, савдо ва хизмат кўрсатиш объектларида 89,9 мингта терминаллар ўрнатилди

.

Ўз навбатида, пластик карточкалар ва терминаллар ёрдамида амалга оширилган ўтказмалар ҳажми йилдан –йилга юқори суръатларда ошиб бормоқда. Мисол учун, 2010 йилда пластик карточкалар орқали 5,7 трлн. сўмлик ўтказмалар амалга оширилиб, ушбу кўрсаткич аввалги йилга нисбатан 2,5 баробардан кўпроқни ташкил этади.