Мавзу: Кириш

3. Халқаро тикланиш ва тараққиёт банки (ХТТБ) ўз фаолиятини 1946 йилда бошлади. Банк ўз фаолиятини кенгайтириш жараёнида қуйидаги турдош муассасаларини ташкил этди:
-1956 йилда Халқаро Молия Корпорацияси;
-1960 йилда Халқаро ривожланиш уюшмаси ;
-1966 йилда Инвестицияларга доир даъволарни тартибга солиш Халқаро маркази;
-1988 йилда Инвестицияларни кафолатлаш бўйича кўп томонлама агентлик:
Хозирда юқоридаги муассасалар биргаликда Жаҳон банки гуруҳи, уларнинг етакчиси бўлган ХТТБ эса Жаҳон банки деб аталади. Банкнинг штаб-квартираси Вашингтонда жойлашган. Жаҳон банкининг акциядорлик капитали 200 млрд. АҚШ долларига яқин бўлиб, унга 180 дан ортиқ мамлакатлар аъзодир. Банк ходимлари сони эса 7000 кишидан кўп бўлиб, ҳар йили 1 млрд. АҚШ долларидан зиёд даромад олади. Жаҳон банки ўзининг 50 йиллик фаолияти даврида 140 мамлакатга 6000 дан ортиқ дастурлар бўйича 300 млрд. АҚШ долларидан кўп қарз берди.
Жаҳон банкининг асосий вазифалари:

• 
  ривожланаётган мамлакатларга турли тармоқлар ва соҳаларни ривожлантириш учун инвестициялар киритиш;
  
• 
  иқтисодий масалалар бўйича тахлилий ишларни амалга ошириш, консултациялар бериш;
  
• 
  бой ва камбағал мамлакатлар ўртасида ресурсларни қайта тақсимлашда воситачилик қилиш ва бошқалар.
  

Ўзбекистон Республикаси Жаҳон банкига 1992 йилда аъзо сифатида қабул қилинди. Ўшандан буён Ўзбекистонга Жаҳон банкининг умумий миқдори 458 млн. АҚШ доллари миқдоридаги кредитлари 9 та лойиҳа бўйича ажратилди.
Жаҳон банкининг Ўзбекистонга ёрдам кўрсатиш бўйича 2001-2003 йилларга мўлжалланган стратегиясида мамлакатимизда иқтисодий ислоҳотларни босқичма-босқич амалга ошириш, молиявий, тўзилмавий, техникавий кўмаклашиш ва маслаҳатлар бериш кўзда тутилади. Шунингдек, молия соҳаси, қишлоқ хўжалиги, транспорт, давлат корхоналарини қайта ташкил этиш, экспортга чиқарилаётган товарлар турларини кўпайтириш, ижтимоий инфратўзилма ва атроф-муҳитни муҳофаза қилиш қаби соҳаларда биргаликда ҳаракат қилиш мўлжалланмоқда.