Mavzu: kichik biznes va xususiy tadbirkorlikni qo’llab – quvvatlash tizimi va uni modernizatsiya qilish

I -BOB. KICHIK BIZNES VA XUSUSIY TADBIRKORLIK IQTISODIY MUNOSABATLAR TIZIMIDA

1. 
   ХUSUSIY MULK ULUSHINI OSHIRISH KICHIK BIZNES VA XUSUSIY TADBIRKORLIKNI RIVOJLANTIRISH OMILI SIFATIDA
   

Tadbirkorlikning jamiyat ijtimoiy iqtisodiy
taraqqiyotidagi hal qiluvchi rolini u
bo’lmagan joyda his qilish mumkin.
Y.Shumpeter.
O’zbekistonda tadbirkorlik jamiyatining ijtimoiy iqtisodiy munosabatlari mujassamlashgan, yaqqol namoyon bo;ladigan hamda tez rivojlanib borayotgan va harakatchan sohasiga aylanib bormoqda. Mamlakatda bozor munosabatlarining shakllanishi va iqtisodiy taraqqiyotida uning roli tobora sezilarli tus olib bormoqda. O’zbekiston Respublikasining “Tadbirkorlik faoliyati erkinligining kafolatlari to’g’risida”gi Qonunida (2000 -yil 25 -may) “tadbirkorlik”, ”tadbirkor” tushunchalariga quyidagicha ta’rif berilgan: “Tadbirkorlik faoliyati – tadbirkorlik subyektlari tomonidan qonun hujjatlariga muvofiq amalga oshiriladigan, tavakkal qilib va o’z mulkiy javobgarligi ostida daromad (foyda) olishga qaratilgan tashabbuskor faoliyat”. “Tadbirkor – yuridik shaxs tashkil etgan holda ham, etmagan holda ham tadbirkorlik faoliyati bilan doimiy shug’ullanuvchi jismoniy shaxs“.
Uning ana shunday xususiyatlari avvalambor, mazkur faoliyat alomatlari, belgilari, tamoyillarida namoyon bo’ladi. Tadbirkorlikning asosiy belgilari quyidagi 1- rasmda keltirilgan: